भारतीय शेअर बाजार संवसारांतलो चवथो व्हडलें शेअर बाजार

भांगरभूंय | प्रतिनिधी

नवी दिल्ली, खबरां संस्था ः भारतीय शेअर बाजार आतां संवसारांतलो चवथो व्हडलो शेअर बाजार जाला. हाँगकाँग शेअर बाजाराक फाटीं घालून भारतान ही सुवात मेळयल्या.
ब्लूमबर्गान एकठांय केल्ल्या आंकड्यां प्रमाण, हाँगकाँग शेअर बाजारांत नोंद जाल्ल्या शेअरांचें वट्ट मोल 4.29 ट्रिलियन डॉलर आसा, जाल्यार भारतीय शेअर बाजारांत नोंद जाल्ल्या शेअरांचें वट्ट मार्केट कॅप 4.33 ट्रिलियन डॉलर मेरेन पावलां.
त्याच वेळार अमेरिका सध्या 50.86 ट्रिलियन डॉलर मार्केट कॅप सयत संवसारांतली सगळ्यांत व्हडली बाजारपेठ आसा. उपरांत 8.44 ट्रिलियन डॉलर मार्केट कॅप सयत चीन दुसरे सुवातेर आनी 6.36 ट्रिलियन डॉलर सयत जपान तिसरे सुवातेर आसा. हाँगकाँगच्या हँग सेंगच्या मार्केट कॅपांत सेगीत चवथ्या वर्सा उणाव आयला.
सतत वाड जाल्ल्यान भारतीय शेअर बाजारांचे मार्केट कॅप 29 नोव्हेंबर 2023 दिसा पयलेच खेपे 4 ट्रिलियन डॉलर म्हळ्यार सुमार 333 ट्रिलियन रुपया हुंपला. सेन्सेक्सांत 2023 वर्सा 18.8% आनी निफ्टी 20% वाड जाल्या. जाल्यार बीएसई मिडकॅप 45.5% आनी स्मॉलकॅप 47.5% वाडला.

भारतीय शेअर बाजार मे 2021 वर्सा 3 ट्रिलियन डॉलर पावलो….

० मे 2007 त बीएसईंत नोंद जाल्ल्या कंपनींची मार्केट कॅप १ ट्रिलियन डॉलर जाली.
० दुप्पट जावपाक 10 वर्सां लागलीं. जुलय 2017 वर्सा मार्केट कॅप 2 ट्रिलियन डॉलर मेरेन पावली.
० मे 2021 वर्सा मार्केट कॅप 3 ट्रिलियन डॉलर वयर पावली. जी आतां 4.33 ट्रिलियन डॉलर सयत चवथी व्हडली बाजारपेठ जाल्या.