आतां इंटरनेट कनेक्शना बगर जी- मेल सुरू करात
भांगरभूंय | प्रतिनिधी
जायते फावट इंटरनेट नाशिल्ले सुवातेर काम करचें पडटा. ताका लागून इंटरनेट नाशिल्ल्यान जायत्यो आडखळी निर्माण जातात. जायत्या जाणांचीं कामां ई-मेला वरवीं जातात. इंटरनेट नाशिल्ल्यान म्हत्वाचीं कामां जायनात. मात तुमी इंटरनेट कनेक्शना बगर ऑफलायन मोडांत जी-मेल सुरू करपाक शकतात. हातूंत तुमकां ई-मेल धाडपाक, मेल सर्च करपाक मेळटा.
एनेबल करा ऑफलायन मेल
० सुरवातेक क्रोम ब्राउझराचेर जीमेल ओपन करात. हो मोड हेर ब्रावझरांचेर काम करचो ना.
० उपरांत वयल्या उजवे वटेनच्या कोनशाक सेटिंग्ज गियराचेर क्लीक करात.
० उपरांत Settings हो पर्याय निवडा.
० मागीर तुमकां ऑफलायन टॅपार क्लिक करचें पडटलें.
० ऑफलायन ईमेल बॉक्स चेकमार्क करात.
० उपरांत ऑनलायन प्रवेशा खातीर तुमकां कितले दीस ईमेल सिंक करपाचें आसा तें निवडात. ही सुविधा ९० दिसां खातीर उपलब्ध आसा.
० सुरक्षिततायेच्या कारणांक लागून तुमकां कॉम्पुटराचेर ऑफलायन डेटा दवरपाक जाय काय काडपाक जाय हे निवडचें पडटलें.
० उपरांत Save Changes चेर क्लिक करात.
ऑफलायन आसतना जीमेल ऍक्सेस कसो करतले?
० जेन्ना तुमी ऑफलायन आसतले तेन्ना क्रोम ब्रावजराचेर mail.google.com चेर क्लिक करात.
० हातूंत तुमकां ऑफलायन मोडच्यो मेसेजी कन्फर्म करच्यो पडटल्यो.
० उपरांत तुमी तुमचो इनबॉक्स ब्रावझ करपाक शकतात. तुमकां मेसेज ड्राफ्ट करपाची आनी मेसेज वाचपाची सुविधाय मेळटली. ऑफलायन टिप्स
० ऑफलायन मोडांत, तुमी ऑफलायन सिंक केल्ल्यो तुमच्यो मॅसेजी सोदपाक मेळटल्यो.
० मेलाक ऍटेच आशिल्ल्यो फायल्स डावनलोक करपाक शकना. मात, ते ऑफलायन मोडांत पळोवपाक शकता.
ह्यो सोप्यो ट्रिक्स वापरुन Gmail Storage वाडयात
जर तुमी जीमेल युजर (Gmail) आसल्यार तुमी जिमेल स्टोरेज फुल्ल असो मेसेज जायते फावट आयलाच आसतलो. जिमेलांत स्टोरेज नाशिल्ल्यान जायते फावट म्हत्वाचो डेटा बॅकअप जायना. जिमेल फुल्ल आसल्यार नवो मेल मेळना. ताका लागून जायते म्हत्वाचे मेल्स येनाशिल्ल्यान लुकसाण जाता.
स्टोरेज वाडोवपाक ह्यो टिप्स फॉलो करात…
० सुरवातेक तुमचो जीमेल अकावंट उघडात.
० उपरांत टॉपांत सर्च ऑप्शनार वचात.
० टायप करून सर्च करात has:attachment larger:10MB
० उपरांत १० MB परस चड स्टोरेज आशिल्ले मेल तुमच्या मुखार येतले.
० जाल्यार १० MB परस चड स्टोरेज आशिल्ले मेल डिलीट करूं येता.
० उपरांत तुमची जीमेल स्टोरेज रिकामी जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
