भांगरभूंय | प्रतिनिधी
नवी दिल्ली, खबरां संस्था ः श्योपूर जिल्ह्यांतल्या कुनो नॅशनल पार्कांतल्यान आनीक एक बरी खबर आयल्या. मादी चित्तिणीन ज्वालान सोमारा 3 पेट्यांक जल्म दिलो. केंद्रीय राना मंत्री भूपेंद्र यादव हांणी आयज सकाळीं 8 वरांचेर आपल्या एक्स हँडलाचेर पोस्ट करुन ही म्हायती दिली. हाचे आदीं ज्वाला हांणी 27 मार्च 2023 दिसा 4 पेट्यांक जल्म दिल्लो. मजगतीं, 3 जानेवारीक मादी चीत्ता आशान तीन पेट्यांक जल्म दिल्लो.
कुनो नॅशनल पार्काचे डीएफओ आर थिकुरल हांणी सांगलें, 17 सप्टेंबराक नामिबियांतल्यान आठ चीत्ता हाडिल्ले. मादी चित्तिणी ज्वालान हाचे पयलीं 4 पेट्यांक जल्म दिल्लो, तातूंतल्या 3 पेट्यांक मरण आयलें. एक पेटो निरोगी आसा. सोमारा जल्मल्ले तिनूय पेटे पुरायपणान भलायकेन बरे आसात अशें थिकुरल हांणी सांगलें. रान कर्मचारी तांचेर नदर दवरुन आसात.
नामिबियांतल्या आशा ह्या चित्तिणीन आपल्या पेट्यांक जल्म दिल्या उपरांत कांय सप्तकां उपरांत ही बरी खबर आयल्या अशें मंत्री भूपेंद्र यादवान सोशल मिडियाचेर बरयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
