थंडेक लागून भुरग्यांक स्वासाचो त्रास जाता?
भांगरभूंय | प्रतिनिधी
शिंयाच्या दिसांनी ल्हान भुरग्यांची चड जतनाय घेवप गरजेचें. बदलपी हंगामाक लागून नवजात भुरग्यांक थंडी, खोंकली, जोर अशे भलायकेचे बरेच त्रास जावंक शकतात. चड करून थंडेक लागून भुरग्यांचें नाक बंद जाता आनी ताका लागून भुरग्यांक सारको स्वास घेवंक मेळना. देखून थंडेक लागून भुरग्याचें नाक बंद जाल्यार रोखडोच दोतोराचो सल्लो घेवचो वा तुमी कांय घरगुती उपायूय करुंक शकतात.
तेलाची मालिश – थंडेक लागून भुरग्याचें नाक बंद जाल्यार मोहरीच्या तेलान भुरग्याक मालिश करूं येता. भुरग्याच्या नाक, माथ्याक आनी फाटीक सादें उबदार तेल लावंक शकता. हाका लागून भुरग्याक थंडी आनी शिंकपांतल्यान सुटका मेळटली आनी बंद जाल्ले नाक मेकळें जातलें.
गरम उदकान न्हावपाक घालात – तुमच्या भुरग्यांचे नाक बंद जाल्यार ताका गरम उदकान न्हाणवचें. तशेंच उदक चडूय गरम आयचे न्हय. भुरग्याक गरम उदकांत न्हाणयल्यार ताका उब मेळटा आनी ताका लागून ताचें नाक निवळ जाता.
गरम वाफ दिवची – थंडेक लागून भुरग्याचें नाक बंद जाल्यार ताका गरम उदकाटी वाफूय दिवंक मेळटा. भुरग्याक थेट गरम वाफ दिय नायतना ताका वाफेच्या कुडींत दवरचें. हाचे खातीर ह्यूमिडिफायरय वापरूं येता, ताका लागून भुरग्याचें बंद जाल्लें नाक निवळ जाता.
स्तनपान – भुरग्याचे थंडेक लागून नाक बंद पडल्यार स्तनपान करचें. आवयच्या दुदांत अँटीबॉडीज आसतात जे भुरग्याची रोगप्रतिकार शक्त घट करता. रोगप्रतिकार शक्त बरी आसल्यार भुरग्याक थंडी, खोंकली ह्या सारकिल्ल्या दुयेंसांपसून राखण मेळटा आनी तांका आराम मेळटा.
नेजल स्प्रे – भुरग्याचें नाक बंद जाल्यार तें निवळ करपाक नेजल स्प्रे वापरूं येता. हे खातीर तुमी एका पेल्यात गरम उदकांत एक चमचो मीठ घालात आनी उदक थंड जाले उपरांत ड्रॉपराच्या आदारान 2 ते 4 थेंब भुरग्याच्या नाकांत घालात. हाका लागून बंद जाल्लें नाक निवळ जातले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
