भांगरभूंय | प्रतिनिधी
भांगरभूंय । प्रतिनिधी
दिवचलः वेळगेचें श्रीमती हायस्कूल आनी सिद्धार्थ बांदोडकार उच्च माध्यमीक विद्यालयाचे विद्यार्थी आनी आदल्या विद्यार्थ्यांनी सुमार 300 चित्रकलेच्या पुस्तकांनी तयार केल्ले ‘हर पने पने पे राम’ हे केल्ले कलाकृतीची मुख्यमंत्री डॉ प्रमोद सावंत आनी तांची घरकान्न सुलक्षणा सावंत हाणी तुस्त करून विद्यार्थ्यांक शाबासकी दिली.
कला शिक्षक योगेश कवठणकार हाच्या मार्गदर्शना खाला 14×18 चौखण फूटांत ही कलाकृती विद्यार्थ्यांनी तयार केल्या. गोंयांतलो घडये व्हो विक्रम आसपाक शकता. ती तयार करपाक 24 वरां लागलीं. चित्रकलेची पुस्तकां वापरून सगल्यांत व्हडलो कोलाज करपी ही एकसुरी शिक्षण संस्था आसा. मुख्यमंत्री डॉ सावतं आनी सुलक्षणा हांण मुद्दाम शाळेंत वचून कलाकृतीची पळोवणी केली. विद्यार्थ्यांचे कलात्मक प्रतिभेची तांणी तोखणाय केली. कला शिक्षकाचे संकल्पनेचीच ताणे तोखणाय केली. शाळा वेवस्थापन समितीचो अध्यक्ष यतीन काकोडकार, शिक्षिका परांजेप आनी पालक, ग्रामस्थांनी विद्यार्थ्यांक परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
