भांगरभूंय | प्रतिनिधी
सध्या देशभरांत वाडत वचपी थंड हवामानाक लागून वातावरण सगळी कडेन थंड जाल्लें आसा. धुके पडिल्ल्यान थंडगार वातावरण आसा. पूण ह्या थंडीच्या दिसांनी जायत्या जाणांक वेगवेगळे त्रास जाणवतात.
थंडिच्या दिसांनी हात- पांय सुजपाची समस्या जायत्या जाणांक जाता. थंड हवामानाक लागून कुडीचेर परिणाम जाता. हाका लागून कांय जाणांच्या हात-पांयांचेर सुज येता. बोटां तांबडी जाता आनी खाज येता. देखून भलायकी तज्ञांच्या मतान कांय घरगुती उपाय हांचेर सगळ्यांत बरे थारुं शकता.
हळदीचें तेल – आयुर्वेदाच्या मतान हातां- पांयांतली सुज पयस करपाक हळदीचें मिक्स तेल हें एक रामबाण वखद. तिळाच्या तेलांत हळद भरसून तेल गरम करात. थोडो वेळ तेल थंड जातकच हातां- पांयांक ल्हवू मालिश करची. हळदींत अँटीबॅक्टेरिअल गुणधर्म आसतात. तशेंच सुज आशिल्ल्या जाग्यार हळदीचें तेल लावचें, हाका लागून बोटांची सुज उणी जातली.
कांद्याचो रोस – पांय आनी हात सुजपाचेर कांद्याचो रोस सगळ्यांत बरो उपाय मानतात. कांदो किसून ताचो रोस एका पेलात काडचो. दिसांत वा रातच्या वेळार न्हिदच्या आदीं कांय वेळ कांद्याच्या रोसान हातां-पांयांक मालिश करात. कांद्यांत अँटीसेप्टिक आनी अँटीबायोटिक गुणधर्म भरपूर आसतात. थंडीच्या हंगामांत हात-पांय तांबडे जाले आनी सुजले जाल्यार कांद्याचो रोस घेवन हात-पांयांचेर लावचो असो सल्लो भलायकी तज्ञांनी दिला. थंडेचो सगळ्यांत चड परिणाम आमच्या कुडीचेर जाता. अशे वेळार कांद्यांत आशिल्ले पोशक तत्व भलायके खातीर खूब उपेगी पडटात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
