भांगरभूंय | प्रतिनिधी
भांगरभूंय । खेळां मेज
पणजीः म्हैसुरांत चालू आशिल्ले गोंयां आडचे रणजी क्रिकेट मॅचींत कर्नाटकांन आपल्या पयल्या डावांत 9 आवट 498 धांवड्यो करून 177 धांवड्यांची आघाडी घेतली. गोंयांत आपल्या दुसऱ्या डावांत तिसऱ्या दिसाचो खेळ सोपलो तेन्ना 1 आवट 93 धांवड्यो केल्यो. कर्नाटकाची आघाडी भरून काडपाक गोंयांक अजून 84 धांवड्यांची गरज आसा.
ईशान गडेकार आनी सुय़श प्रभुगांवकारान गोंयच्या दुसऱ्या डावाची सुरवात केली. पूण विजयकुमार वैश्य हाणे आपले पयलेच ओव्हरींत गडेकार 1 धांवडेचेर आवट केलो.गोंयच्या नांवार लेगीत ह्या वेळार एक धांवडी लागल्ली. सुशय प्रभुगांवकारान कृष्णमूर्ती सिद्धार्थ हाच्या वांगडाक गोंयचो डाव साल्वार केलो. खेळ सोपलो तेन्ना गोंयच्या नांवार 1 आवट 95 धांवड्यो लागल्ल्यो. सुशय 34 आनी वैश्य 57 धांवड्यांचेर खेळटाले. सुयशान 82 बॉलांत 3 चौके मारले जाल्यार सिद्धार्थान 8 चौके आनी एका सक्यान 57 धांवड्यो केल्यात. दुसरे विकेटी खातीर ताणी 92 धांवड्याची भागिदारी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
