भांगरभूंय | प्रतिनिधी
भांगरभूंय । खबरां मेज
पणजीः अयोध्येच्या श्रीराम प्राणप्रतिष्टापनाचो सुवाळो कांय दीसांचेर पावला. सगल्यांकूच ह्या दीसाची उमेद आनी उमळशीक लागिल्ली दिसून येता. व्हड तशेंच ल्हानांमदीं खोशेचें ल्हार पातळील्लें आसा. विंगड विंगड शाळांनी आपल्या कला गुणांक वाव दिवपाचो वावर सुरु केला. अशीच एक कार्यावळ “ रामलल्लाची असेम्ब्ली” गोवा वेल्हाच्या पॉप्युलर इंग्लिश हायस्कुलाच्या विद्यार्थ्यांनी घडोवन हाडली.
विद्यार्थ्यांच्या गुणांक वाव मेळचो हे खातीर हो उपक्रम घडोवन हाडिल्लो.. ह्या असेम्ब्ली वेळार रामायणातले विंगड विंगड प्रसंगाचेर आधारीत काणयांचें वाचन
जालें. तशेंच रामाच्या जिवितांतल्या कांय घडणूकांचेर आदारीत प्रश्नमंजूशा सर्त जाली. ह्या प्रश्नमंजूशेक उत्पाट प्रतिसाद लाभलो. विद्यार्थ्यांनी तशेंच शिक्षकांनी व्हडा उमेदीन ह्या सर्तीन
वाटो घेतलो. ह्या असेम्ब्लीचें खाशेलपण म्हळ्यार विद्यार्थ्यांनी तयार केल्लें रामललाचें खाशेंलें पोर्ट्रेट. हें पोर्ट्रेट यत्ता आठवी ची विद्यार्थीनी रक्षिता आनी मेहुरा हांणी तयार केल्लें आसा. हाचें
उक्तावण मुख्याध्यापिका वंदिता लवंदे हांचे हस्तुकी ह्या वेळार जालें. ही कार्यावळ घडोवन हाडपाक शिक्षिका मृणाल भामरे हांणी हातभार लायलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
