भांगरभूंय | प्रतिनिधी
निरोगी रावपा खातीर जसो योग्य आहार आसप गरजेचें तशेंच वया प्रमाण योग्य वजन आसपूय तितलेंच म्हत्वाचें. जर तुमचें वजन उणें वा चड आसल्यार तुमकां जायत्या भलायकेच्या समस्यांक तोंड दिवचें पडूं येता.
ताका लागून दरेकल्यान पिराये प्रमाण आपलें वजन नियंत्रणांत दवरप गरजेचें. आयज आमी जाणून घेवया मनशाचें पिराये प्रमाण वजन कितलें आसचें हे विशींची म्हायती .
नवजात बाळक
नवजात चल्याचें वजन ३.३ किल आनी चलयेचें वजन ३.२ किल आसचें.
३- ५ ते ६- ८ म्हयन्याचें बाळक
३ ते ५ म्हयन्यांच्या चल्याचें वजन ६ किल आनी चलयेचें वजन ५.४ किल आसचें. तशेंच ६ ते ८ म्हयन्यांचेर चल्याचें ७.८ किल आनी चलयेचें वजन ७.२ किल आसचें.
९ ते ११ म्हयन्यांत
९-११ म्हयन्यांत चल्याचें वजन ९.२ किल आनी चलयेचें वजन ८.६ किल आसचें.
१ वर्स
एका वर्साच्या चल्याचें वजन १०.२ किल आनी चलयेचें वजन ९.५ किल आसचें.
२ वर्सां पिराय
चल्याचें वजन १२.३ किल आनी चलयेचें वजन ११.८ किल आसचें.
३- ५ वर्सां पिराय
३ ते ५ वर्सांचो चलो आनी चलयेचें वजन १४ ते १६ किल मजगतीं आसचें.
५ वर्सां पिराय
५ वर्सांयेच्या चल्याचें वजन १७.८ किल आनी चलयेचें वजन १७.७ किल आसचें.
५ ते ८ वर्सां पिराये मेरेन
सव्या वर्साच्या चल्याचें वजन २०.७ किल आनी चलयेचें वजन १९.५ किल आसचें. तशेंच ७ ते ८ पिरायेच्या चल्याचें योग्य वजन २२ किल ते २५ किल आनी चलयेचें २५ ते २४ किल वजन आसचें.
९- ११ वर्सां पिराये मेरेन
९ वर्सां पिरायेचे निमाणे कडेन चले २८.१ किल आनी चली २८.५ किल आसची. जाल्यार १० ते ११ पिरायेचेर चले ३१.४ किल ते ३२.२ किल आनी चलयो ३२.५ किल ते ३३.७ किल वजनाचीं आसचीं.
१४ वर्सां पिरायेचेर चली आनी चले
१२ वर्सां पिरायेच्या चल्याचें वजन ३७ किल आनी चलयेचें वजन ३८.७ किल आसचें. उपरांत पिरायेच्या १३ व्या वर्सा चल्याचें वजन ४०.९ किल आनी चलयेचें ४४ किल आसचें. तशेंच १४ वर्सां पिरायेच्या चल्याचें वजन ४७ किल आनी चलयेचें वजन ४८ किल आसचें.
१५ ते १८ वर्सां
१५- १६ वर्सां पिरायेच्या चल्याचें वजन ५८ किल आनी चलयेचें वजन ५३ किल आसचें. १७ वर्सां पिरायेच्या चल्याचें वजन ६२.७ किल आनी चलयेचें वजन ५४ किल आसचें. उपरांत १८ वर्सां पिरायेचे तरणाट्या चल्याचें वजन ६५ किल आनी तरणाटे चलयेचें वजन ५४ किल आसचें.
१९ ते ३९ वर्सां पिराय
१९ ते २९ वर्सां पिरायेचेर दादल्याचें वजन ८३.४ किल आनी बायलेचें ७३.४ किल आसचें. ३० ते ३९ वर्सां पिरायेच्या दादल्याचें वजन ९०.३ किल आनी चायलेचें वजन ७६.७ किल आसचें.
४० ते ६० वर्सां पिराय
४० ते ४९ वर्सां पिरायेच्या दादल्याचें वजन ९०.९ किल आनी बायलेेचें वजन ७६.२ किल आसचें. तशेंच ५० ते ६० वर्सां पिरायेच्या दादल्याचें वजन ९०.३ किल आनी बायलेचें ७७ किल आसचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
