भांगरभूंय | प्रतिनिधी
भांगरभूंय । प्रतिनिधी
माशेलः स्वामी विवेकानंत जयंती निमतान खांडोळें सरकारी म्हाविद्यलयांत राष्ट्रीय युवा दीस मनयलो. म्हाविद्यालयाच्या एनएसएस विभागान फाटल्या सोमाराक खेळ आनी युवा वेव्हार खातें आनी उच्च शिक्षण संचालनालयाच्या पालवान ह्या दिसाची कार्यावळ आयोजीत केल्ली.
दिवली पेटोवन आनी स्वामी विवेकानंद हांच्या फोट्याक फुलां हार घालून कार्यावळीक सुरवात जाली. ह्या वेळार माचयेर मुखेल वक्ते म्हणून समाज कल्याण खात्यांतलो अधिकारी तेमू जल्मी, समुपदेशक चंदा परेरा, सीए सिद्धी बागकार आशिल्ली. म्हाविद्यालाची प्राचार्य डॉ पूर्णकला सामंत हिणे सगल्यांक येवकार दिलो. उपरांत तेमू जल्मीन विद्यार्थ्यांक मार्गदर्शन केले. चंदा परेरान मानसीक तणावाच्या परिणामांची म्हायती दिली आनी तो कसो उणो करपाक जाता हे विशीं मार्गदर्शन केलें. सिद्धी बागकारान युवा अवस्थेंत पयशाची बचत कित्याक आनी कशी करप हें सांगलें. बचत करपा खातीर सरकारी आनी खाजगी येवजण्यो आसात ताची म्हायती दिली.
कार्यावळीचें सूत्रसंचालन प्रा. आकाश गर्देन केलें जाल्यार उपकार डॉ सपना पेळपकारान मानले. कार्यावळ येसस्वी करपा खातर प्रा रंजना सावयकार, प्रा. डिलैलै आतांव, प्रा निक्षेप बुदियाल, प्रा. अमेय सावयकार, प्रा. विधिशा नायक हाचें सहकार्य मेळ्ळें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
