भांगरभूंय | प्रतिनिधी
रिलायन्स जिओन आपल्या आदल्या आनी नव्या गिरायकां खातीर प्रजासत्ताक दिसाची ऑफर हाडल्या. ऑफरी खाला २९९९ रुपयांचो रिचार्ज केल्यार गिरायकांक ३ हजार रुपयां परस चड कुपनां मेळटलीं. हीं कुपनां विकतीं घेवपाक, प्रवास आनी जेवणाच्या जिन्नसांचीं बिलां भरपा खातीर वापरपाक शकतात. गिरायकांक जिओचो प्लॅन रिचार्ज केल्या उपरांत रोखडेंच तांकां मेळपी कुपन माय जिओ ऍपांत दिसपाक लागतलें. हे ऑफरीचो लाव ३१ जानेवारी मेरेन घेवपाक मेळटलो.
शॉपींग केल्यार गिरायकाक रिलायन्साच्या आजिओ ऍप वयल्यान २४९९ रुपयांचे उण्यात उणे खरेदीचेर ५०० रुपयांची सूट मेळटली. तशेंच तिरा हांगच्यान सौंदर्याचें सामान विकत घेतल्यार ३०% सूट मेळटली. जी सुमार एक हजार रुपयां मेरेन आसूं येता. रिलायन्स डिजिटला वयल्यान उण्यात उणें ५०००चे खरेदीचेर १०% डिसकावंट मेळटलो. रिलायन्स डिजिटलाचेर उण्यात उणी सवलत मर्यादा १० हजार रुपयां मेरेन मर्यादीत आसा.
प्रवास: तुमकां ixigo वरवीं विमानाची तिकेट बूक करपाचेर १५०० रुपया मेरेन सूट मेळटली. एके प्रवासी तिकेटीचेर ५०० रुपया, २ प्रवाशांक १००० रुपया आनी ३ प्रवाशां खातीर १५०० रुपया सूट निश्चीत केल्या. विवीध जिन्नस खावपाक आवडपी लोकांनी स्विगी ऍपा वरवीं जेवण बूक करून तांकां १२५ रुपयां मेरेन सूट मेळपाक शकता. पूण ऑर्डर उण्यात उणी २९९ रुपया आसची.
चड कुपनां जिखपा खातीर गिरायकां आपल्या नंबरांचेर जाय तितलें रिचार्ज करपाक शकता. हे ऑफरी खाला जिंकिल्ले कुपन दुसर्या जिओ नंबराचेर ट्रान्सफर करपाक मेळटलें. तशेंच कुपन इश्ट/कुटुंबां वांगडा शेअर करपाक मेळटलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
