सीम आनी इंटरनेटा बगर करूं येता व्हिडिओ कॉल?

भांगरभूंय | प्रतिनिधी

व्हिडियो कॉल करपाक सांगलें जाल्यार तुमी कितें करतले? तुमी तुमच्या फोन वा लॅपटॉपांतल्या कांय व्हिडियो कॉलिंग ऍपाची मदत घेतले. मोबायल फोनांतल्यान व्हिडियो कॉल करचें जाल्यार तातूंत एक आसपाक जाय वाय-फाय इंटरनॅट वा सीम नेटवर्क. पूण फुडाराक अशें जावचें ना.
आतां बेगीनूच फोन वापरप्यांक इंटरनॅट आनी सिम कार्डा बगर व्हिडियो कॉल करपाक मेळटले. D2M (Direct-to-Mobile) हे सेवे वरवीं हें शक्य आसा. म्हायती आनी प्रसारण सचीव अपूर्व चंद्र हांच्या म्हणण्या प्रमाण देशांतल्या १९ शारांनी हे सेवेची चांचणी जातली. ह्या तंत्रगिन्यानाचो मुखेल फायदो म्हणल्यार देशांतली सुमार ३० टक्के येरादारी ‘डी२एम’ सेवां कडेन वळटली, जाका लागून ५ जी नेटवर्काची समस्या ना जातली. हे सेवेची चांचणी करपा खातीर फाटल्या वर्सा बेंगळुरू आनी नोयडा हांगा पायलट प्रकल्प चालीक लायिल्ले.
डायरेक्ट- टू- मोबायल (D2M) सेवा हें एक नवें तंत्रज्ञान. जें इंटरनेट जोडणी नासतना सरळ मोबायलाचेर टीव्ही आनी व्हिडियो पळोवपाची परवानगी दिता. हें तंत्रज्ञान एफएम रेडिओ भशेन काम करता, जें रेडिओ संकेतांचो उपेग करून मोबायल साधनांक ऑडिओ प्रसारीत करता.
D2M सेवेचे जायते फायदे आसात. हें पयली, इंटरनेट जोडणीची गरज काडून उडयता, जाका लागून पयसुल्ल्या वाठारांनी रावपी लोकांक ती चड फायद्याची थारतली. दुसरें, हें इंटरनॅट येरादारीचेर आदारून नाशिल्ल्यान व्हिडियो प्रवाहाची गुणवत्ता सुदारूंक शकता. तिसरें, ताका लागून मोबायल डेटाचो वापर उणो जावंक शकता.
भारतांत अजूनय D2M सेवा विकसीत करतात. भारत सरकारान D2M सेवा चालीक लावपा खातीर स्पॅक्ट्रमाचो लिलाव केला. ही D2M सेवा भारतांत बेगीनूच उपलब्ध जावपाची शक्यताय आसा.

D2M सेवा खंय उपेगी पडूं येता?

लायव्ह टीव्ही आनी व्हिडियो पळोवपाक: डी २ एम सेवा वापरून, तुमी तुमच्या आवडीचे टीव्ही चॅनल आनी व्हिडियो इंटरनॅट जोडणी नासतना पळोवंक शकतात.

आपत्कालीन अधिसुचोवण्यो धाडपाक: D2M सेवा वापरून सरकार आपत्ती आनी हेर आणीबाणीच्या परिस्थिती विशीं अधिसुचोवण्यो धाडूंक शकतात.

शिक्षण आनी मनरिजवणे खातीर: D2M सेवा वापरून शाळा आनी म्हाविद्यालयां ऑनलायन अभ्यासक्रम दिवंक शकतात. तशेंच सरकारांक शिक्षण आनी मनरिजवणे खातीर D2M सेवा वापरूं येता.