भांगरभूंय | प्रतिनिधी
प्रधानमंत्री नरेंद्र मोदी प्रतीकात्मक यजमान
वाराणसी, खबरां संस्था: अयोध्येंत २२ जानेवारीक रामलल्लाची प्राणप्रतिश्ठा जातली. आतां मेरेन प्रधानमंत्री नरेंद्र मोदी प्राणप्रतिश्ठेचे मुखेल यजमान आसतले अशी खबर आयिल्ली. मात प्राणप्रतिष्ठे खातीर शुभ मुहूर्त थारावपी पंडित गणेशवर शास्त्री द्रवीड, राम मंदिरांत प्राणप्रतिष्ठा करपी पंडित लक्ष्मीकांत दीक्षित आनी महासचीव डॉ. रामानंद पंथाच्या श्रीमठ ट्रस्टाचे स्वामी रामविनय दास हांणी प्रधानमंत्री मोदी मुख्य यजमान आसचे नात, अशें म्हमलां.
श्री रामजल्मभुमी ट्रस्टाचे वांगडी डॉ. अनिल मिश्रा आनी तांची घरकान्न मुखेल यजमान आसतली. हीं दोगांय संकल्प, प्रायश्चीत्त आनी गणेशाची पुजा करून सात दीस चलपी अनुश्ठानाचे यजमान आसतलीं. प्राणप्रतिष्ठा सुवाळ्याकूय हाजीर रावतलीं. तांच्या मतान रामलल्ला प्राणप्रतिष्ठा विधीचे मुखेल यजमान फकत गृहस्थूच आसपाक शकतात. ताका लागून असो निर्णय घेतला. पीएम मोदी हांकां प्रतिकात्मक यजमान आसतले.
अनिल मिश्रा हांचे कडेन चर्चा केली तेन्ना तांणी, ’अपल्याक राम मंदीर ट्रस्टान हे विशीं म्हायती दिवंक ना.’ अशें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
