भांगरभूंय | प्रतिनिधी
पासपोर्ट आकाराचो फोटो केन्नाय आनी खंयच्याय वेळार गरजेचो पडूं येता. कॉलेज- शाळेंत प्रवेश घेतना ते ऑफिस वा बँक कामा मेरेन सगळे कडेन तो गरजेचो. देखून आदींच आपलें कडेन तो आसप खूब म्हत्वाचें. पूण केन्ना केन्ना तो फोटो नासतना. तर, खंयच्याच फोटो स्टुडिओंत वचनासतना 60- 70 फोटो काडूंक मेळटात, तेंय 50 रुपया परस उण्या खर्चात.
गरजेच्या वेळार पासपोर्ट आकाराचो फोटो कसो काडचो…
० पासपोर्ट आकाराचो फोटो बेगीन आनी सवाय भितर मेळोवपा खातीर तुमकां चड हुस्को करपाची गरज ना. फोनांत बरी सेल्फी क्लिक करप.
० फोटो क्लिक केल्या उपरांत Google चेर वचून Cutout pro टायप करात. नाजाल्यार https://www.cutout.pro/ ह्या लिंकाचेर क्लिक करात.
० हाचे उपरांत तुमकां ईमेज अपलोड करपाचो पर्याय दाखयतले.
० मागीर थंय तुमी क्लिक केल्ली सेल्फी अपलोड करात.
० उपरांत तुमकां तुमच्या फोटोचे कपडे बदलपाचे आनी रंग सुदारप अशें पर्याय मेळटले.
० आतां टीशर्ट पर्यायाचेर क्लिक करात आनी फोटोंत कपडे बदलात. हांगा तुमकां फॉर्मल, टीशर्ट, शर्ट, सूट अशे सगळ्या तरांचे पर्याय मेळटले.
० 413×531 आकार सिलेक्ट करात.
० हाचे उपरांत तुमच्या फोटोचो प्रिंटआउट घेवपाक, फोटो स्पेसिफिकेशनांत गरजे प्रमाण पर्याय निवडात.
० A4 आकाराचें खाशेलो ग्लोसी कागद घेयात आनी खंयच्याय फोटोकॉपी दुकानांत वचून प्रिंटआउट घेयात वा घरांतल्या प्रिंटराचेरुय तो काडात.
० फकत प्रिंटआउटा खातीर सुमार 30 रुपया खर्च करचे पडटले. हाचे उपरांत तुमचे कडेन पासपोर्ट आकाराचे 60-70 फोटो आसतले.
हे प्रक्रिये उपरांत तुमी तुमचो पासपोर्ट आकाराचो फोटो खंयच्याय वेळार, खंयच्याय सुवातेर घेवंक शकतात. हातूंत तुमी तुमचो फोटो पयलीं परस सहज एडिट करून बरोय करपाक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
