भांगरभूंय | प्रतिनिधी
भांगरभूंय । प्रतिनिधी
पोरणे गोंयः अॅलसन ब्रागांझा हाची मंगळार सान्ताक्रुज पंचायत मंडळाचो उपसरपंच म्हणून निवड केली. पंचायतीचो सरपंच अजून बदल्लो ना मात ब्रागाझा व्हो पंचायतीचो आतां तिसरो उपसरपंच जाला
हे विशीं ब्रागांझा हाका विचारलें तेन्ना सरपंच कायम दवोरून उपसरपंचपद फिरतें दवोरपाचो निर्णय सत्ताधारी पंगडान घेतिल्लो आनी सगल्या पंच वांगड्यांनी तो मानून घेतलां अशें सांगलें. सत्ताधारी पंगडांत सात पंच वांगडी आसात आनी पंचायत मंडळाचो कार्यकाळ सोप मेरेन उपसरपंचपद ताणी वांटून घेतलां अशी म्हायती सूत्रांनी दिली. पंचायत वेंचणूक जाले उपरांत पंच वांगड्यांनी तशी तोंडी कबलात केल्ली.
जो मेरेन आमच्या पंगडांतल्या पंच वांगड्यांचो तेंको आसा तो मेरेन आपूण सरपंचपदार आसतली अशें सरपंच जेनिफर ओलिव्हेरा हिणे सांगलें. पंच वांगड्यांक आपणे सरपंचपदा वयल्यान देवचें अशें दिसल्यार आपूण राजिनामो दितली अशें तिणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
