भांगरभूंय | प्रतिनिधी
भांगरभूंय । प्रतिनिधी
वाळपयः वाळपय पालिका वाठारांत घरांत वापरल्लें उदक गटारांनी सोडपाचे प्रकार वाडपाक लागल्ल्यान लोकांचे भलायकेचेर ताचो परिणाम जावपाची भिरात उप्रासल्या. पालिका प्रशासनान नोटिशी धाडून लेगीत कांय लोक ताचे कडेन आडनदर करपाक लागल्यात. गटारांची पळोवणी करून जे कोणी गटारांत उदक सोडटात ताचेंर कारवाय करपाचें पालिका मंडळान थारायलां.
पालिकेच्या चडश्या प्रभागांत घरांत सोकपीठा बांदली नात. ताका लागून घरांत वापरल्लें उदक सरळ गटारांत सोडटात. फाटल्या कांय वर्सां सावन हे प्रकार सुरू आसात. मात कारवाय करपाचें धाडस पालिका मंडळ दाखयना. राजकी आनी वैयक्तीक संबंद आशिल्ल्यान पालिका मंडळ कारवाय करपाक तयार आसना अशें साबार लोकाचें म्हणणे आसा. गटारांनी घाणयारें उदक सोडपाक मेकळीक दिली जाल्यार भलायकेचो प्रस्न उप्रासपाची शक्यताय आसा.
ज्या वाठारांनी घरांतलें उदक गटारांत सोडटात थंय वचून पळोवणी करपाचें पालिका मंडळान थारायलां. कांय दिसानी ताका सुरवात करतले भलायकी खात्याच्या वाळपयच्या कार्यालयान भलायकेचे नदरेंतल्यान गटारांची पळोवणी करून उदक सोडटात तांचेर कारवाय करची अशे लोकांचें म्हणणे आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
