भांगरभूंय | प्रतिनिधी
संवसारांतल्या हुशार विद्यार्थ्यां मदीं नोंद
वॉशिंग्टन, खबरां संस्था ः अमेरिकेंत रावपी मूळ भारतीय 9 वर्सां पिरायेची प्रिशा चक्रवर्ती संवसारांतल्या सगल्यांत हुशार विद्यार्थ्यांच्या वळेरेंत आस्पावलां. जॉन हॉपकिन्स सेंटर फॉर टॅलेंटेड युथ (CTY) हांणी प्रिशाक हो भोवमान दिला. प्रिशा कॅलिफोर्निया वॉर्म स्प्रिंग्स एलिमेंटरी शाळेंत शिकता.
सीव्हायटीन २०२३-२४ सत्रांत ९० देशांतल्या १६ हजार भुरग्यांची परिक्षा घेतली. ह्या भुरग्यां मदल्या फकत ३०% परस उण्या भुरग्यांनी चड हुशार विद्यार्थ्यांच्या वळेरेंत आस्पाव करपा खातीर चड गूण मेळयले.
हायस्कुल आनी कॉलेज पांवड्यार प्रिशान जायत्या परिक्षांनी बरी कामगिरी केली. हातूंत शाळा आनी कॉलेजीच्या परीक्षा सयत जायत्या भायल्या परीक्षांचो आस्पाव आसा. प्रिशा हें पिरायेच्या 9 व्या वर्सा सीव्हायटी ग्लोबल टॅलेंट सर्च प्रोग्रामाक पात्र थारपी सगळ्यांत तरणाट्या विद्यार्थ्यां मदली एक.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
