भांगरभूंय | प्रतिनिधी
भांगरभूंय । प्रतिनिधी
मडगांवः समाजसेवा संघ संचलीत कोंब मडगांवच्या विद्या भारती विद्यालयांत वर्सुकी बाल मेळावो उमेदीन जालो. तातूंत 463 विद्यार्थी तसेंच शिक्षक आनी पालक हाजीर आशिल्ले. सर्गेस्त सुहास मुळे हाच्या नांवान दर वर्सा पालक-शिक्षक संघावती व्हो मेळावो आयोजीत करतात. शुभदा सुहास मुळे हाचे हस्तुकीं ताचें उक्तावण जालें.
दोन दिसांच्या ह्या मेळाव्यांत पयली आनी दुसरे यत्चेच्या भुरग्यां खातर पिस्ता कवच, अंडा कवच, झाडांची पानां, टिश्यू पेपर, क्रॅप पेर, फ्लोरसंट पेपर हाचे कोलाज, हांसत खेळत शिका ह्या उपक्रमा खाला पदां वळखयात, नकासो वाचन, फुले, शब्द कोटी आनी मनरिजवणेचे खेळ जाले. तिसरी आनी चौथे यत्तेच्या भुरग्यां खातीर कोलाज काम, पतंग तयार करप, बाजाराची वळख, वस्तू खरेदी, भारतीय राज्यांचो नकासो जोडप आनी हेर कार्यावळी जाल्यो.
दोन दीस सकाळीं प्रार्थने उपरांत नाच शिकोपपी स्नेहा बिलये हिणे वॉर्मअप डान्स सत्र घेतलें. विद्यार्थ्यांनी बसयल्ली नाटिका आनी सिनेमा गीतां सादर केली. गुजराती समाज विशेश क्लूलाचे शिक्षक दिनेश सतरकार हाणे फुगडी लोक नाचाचे धा प्रकारांचो परिचय करून प्रात्यक्षिकां सादर केली. श्री समर्थगड रुमडामळ दवर्ली मंदिर समिती वतीन मेळाव्या खातीर सभाघर उपलब्द करून दिलें. मेळाव्याक पालक शिक्षक संघाचो अध्यक्ष मोहित प्रभुदेसाय, मुख्याध्यापिका सरोजा नायक, वर्षा आंबेकार हाजीर आशिल्ली.
—————————————–
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
