भांगरभूंय | प्रतिनिधी
भांगरभूंय । प्रतिनिधी
माशेलः फाटल्या कांय कांय वर्सां सावन ह्या ना त्या कारणाक लागून फाटल्यान पडिल्ले माशेल रस्त्या कुशीकच्या नुस्त्या मार्केटाचें स्थलांतरण निमणे कदंब बसस्टॅण्ड सुवातेंत जालें. नवे सुवातेंत वचपाक नुस्ते विकपी तयार नाशिल्ले मात थळावो आमदार आनी कला आनी संस्कृती मंत्री गोविंद गावडे हाणे मध्यस्ती केल्ल्यान ते तयार जाले. आठ म्हयन्यां पयलीं हे मार्केट नवे सुवातेंत व्हेल्लें मात उपरांत नुस्तें विकपी पयलीचे सुवातेर आयिल्ले.
नुस्त्या मार्कट कंदब बसस्टॅण्डार व्हेल्ल्यान रस्त्यार जावपी गर्दी आनी येरादारीची कोंयडी पयस जावपाक मजत जाल्या. कंदब स्टॅण्डार फुलां विकतल्यांक गिरायक मेळनाशिल्लें. आता फुलां आनी नुस्त्या मार्केट एकेच सुवातेर आशिल्ल्यान थंय लोकांची वर्दळ वाडल्या. ताका लागून वेवसायिकीक समाधान उक्तायतात. हे कडेन वाहनांची गर्दी जाल्यार येरादारीची समस्या उप्रासपाची शक्यताय आशिल्ल्यान ताचेर उपाय काडचो अशी मागणी माशेलाचो सरपंच जयेश नायक हाणे केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
