भांगरभूंय | प्रतिनिधी
म्होंव हें सैमीक वखद. म्होंवांत रुची वांगडाच जायते पोशण गूणय आसतात; ताका लागून शिंयाच्या दिसांनी म्होंवाचें सेवन केल्यार कुड निरोगी उरता. तशेंच गळो दुखपाचेर उपाय ते सैमीक उर्जा वाडोवपी अशे जायते गुणधर्म म्होंवात आसतात. शिंयाच्या दिसांनी म्होंवाचे सेवन केल्यार जायत्या समस्यां पसून सुटका मेळटा. दर दिसा 100 ग्राम म्होंवाचे सेवन केल्यार कुडीक फायजो जाता.
म्होंवांत हीं पोशक तत्वां आसतात…
कॅलरीज – 304 ग्रॉम
कार्बोहायड्रेट – 82.12 ग्रॉम
साकर – 82.12 ग्रॉम
प्रथिन – 0.3 ग्रॉम
चरबी – 0 ग्रॉम
जीवनसत्वां आनी खनिजां – जीवनसत्व क, कॅल्शियम, लोखण आनी हेर जीवनसत्वां आनी खनिजां म्होंवांत उण्या चड प्रमाणांत मेळटात.
म्होंवाचे फायदे…
1) रोगप्रतिकार शक्त वाडप
म्होंवांत अँटिबायोटिक आनी अँटिऑक्सिडंट्स गुणधर्म आसतात जे रोगप्रतिकार शक्त वाडोवन भलायकेक बरी उरपाक मजत करता.
2) पचनसंस्थेच्या समस्यांनी फायदेशीर
म्होंवांत प्री-बायोटिक गुणधर्म आसूं येतात जे आंतकड्यांनी बऱ्या बॅक्टेरियाची वाड करपाक मजत करतात. देखून पचनसंस्थेच्या समस्यांखातीर म्होंव फायदेशीर थारता.
3) जखम बेगीन बरी करपाची तांक
कुडीचेर जाल्ले घावें बेगीन बरे करपाचो गूण म्होंवांत आसा. देखून हाचेखातीर खूब आदींसावन म्होंवाचो उपेग करतात. तांतूतल्या अँटिबायोटिक गुणधर्मांक लागून घावें बरें जाता.
4) खोंकलेपसून सुटका
कफ सिरपांत म्होंव हो एक सामान्य घटक. कारण थंडी, खोंकली आनी गळ्याक लागून जावपी त्रास पयस करपाक म्होंव फायदेशीर आसा.
5) ऑक्सिडेटिव्ह ताणांतल्यान संरक्षण
म्होंवांत वेगवेगळे अँटिऑक्सिडंट्स आसतात जे पेशींक ऑक्सिडेटिव्ह ताणांतल्यान राखण दिवपाक मजत करता.
गोडेंमूत जाल्ल्या दुयेंतींक म्होंवाचें सेवन करुं येता?
गोडेंमूत आशिल्ल्या लोकांनी म्होंवाचें सेवन माफक करचें. तांतूत ग्लायसेमिक इंडेक्स साकरेपरस उणो आसता. पूण चड सेवन केल्यार रगतांतली साकर पातळेचेर परिणाम जावं येता.
गुरवार बायलांक म्होंव फायदेशीर?
गुरवार बांयलांक म्होंवाचें मध्यम प्रमाणांत सेवन करप सुरक्षीत आसता. म्होंवांतल्यान मेळपी सैमीक गोडसाण चाखूंक मेळटा. ते भायर जायत्या भलायकी समस्यां पसून पयस रावप लेगीत शक्य आसा. गुरवार बायलांनी कच्चें वा पाश्चराइज नाशिल्लें म्होंव खावप टाळचें.
म्होंव सेवन करतना ह्या गजालींची जतनाय घेवची
1) ॲलर्जी: कांय जाणांक म्होंवाची ॲलर्जी आसूं येता. ॲलर्जीची प्रतिक्रिया सौम्य लक्षणां ते खर परिस्थिती मेरेन आसूं येतात. देखून अशा लोकांनी म्होंव खावप टाळचें.
2) साकरेचें प्रमाण: म्होंवांत सैमीक साकरेचें प्रमाण चड आसता. देखून गोडेंमूताचे दुयेंती आनी साकर उणो करपाचो सल्लो दिल्ल्या लोकांनी म्होंव सेवन करतना जतनाय घेवची.
3) चड सेवन: म्होंवाचे चड सेवन केल्यार कॅलरीज वाडूंक शकता आनी उपरांत वजन वाडूंक शकता. देखून ताचे प्रमाणात सेवन करचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
