भांगरभूंय | प्रतिनिधी
वायट जिणे पद्दतीक लागून आनी खावपाचे संवयेक लागून लोकांक मदीं लिवराक सूज येवपाची समस्या वाडटा. पूण अजूनय लोकांक हे विशीं कांयच म्हायती ना. लिव्हराक सूज येवप म्हळ्यार कितें? तशेंच लिवराक सूज आयल्यार खंयचे दुयेंस जाता? हे विशीं म्हायती जाणून घेवया.
लिवर हो कुडीचो म्हत्वाचो भाग. आमचो लिवर निरोगी आसल्यार आमचें पचन तंत्र निरोगी उरता. चुकीचो आहार आनी दुशीत उदक पिल्यार लिवराचेर परिणाम जाता. सोर्याक लागून लिवराचें लुकसाण जाता. हेपेटायटीस बी होय लिवराचो एक गंभीर रोग. हाचेर नियत्रण दवरपाक ह्या ६ लक्षणां कडेन आडनदर करची न्हय.
सांधे दुखपाची शक्यताय
हिपॅटायटीस हें एक सामान्य दुयेंस. हातूंय लिवराक सूज येता. तशेंच ह्या दुयेंसांत आंग दगदगीत जाता. तशेंच थकपाक, तकली दुखप आनी सांधे दुखपाचोय त्रास जावपाक शकता. हें लक्षांत घेवचें, जोर जायत्या कारणांक लागून येवपाक शकता. ताचें कारण हिपॅटायटीस बी आसतलें अशें जावप शक्य ना.
मुताचो रंग हळदुवोच आसपाक शकता
दोतोरांच्या म्हणण्या प्रमाण, हिपॅटायटीस बी ची लागण जाल्ल्यांच्या मुताचो रंग हळदुवोच आसपाक शकता. अशीं लक्षणां दिसल्यार रोखडचो दोतोराचो सल्लो घेवचो.
ओकूंक येवप आनी भूक लागना
हिपॅटायटीस बी ची लागण जाल्ल्यांच्या लिवराक सूज येता. लिवर सारकें काम करिना. हातूंत गॅस्ट्रोइंटेस्टाइनल लक्षणां दिसपाक शकतात. ओकूंक जावप, भूक लागना, घुंवळ येवप हाचो आसपाव जाता.
कुडीचो रंग हळदुवो जावपाक शकता
हेर संसर्गाक लागून बिलीरुबीन वाडटा. ताका लागून काळजाचो रोग जाता. बिलीरुबीन हें रगतांतलें रसायन. ताका लागून कांत आनी दोळे हळदुवे दिसतात. हेपेटायटीस बी आनी काळजाचे दुयेंस वळखुपाक तुमी तपासणी करपाक शकतात.
वजन उणें जाता, पोटांत त्रास
लिवराक चड संसर्ग जाल्यार ताचो परिणाम पोटाचेरूय जाता. तुमच्या लिवराचेर परिणाम जालो जाल्यार तुमकां उपाशीपणाची भावना जाणवता. बेगीन वजन उणें जाता. तशेंच पोटांत दुखपाक लागता. अशीं लक्षणां दिसल्यार वेळार सादूर रावचें. आनी दोतोरा कडेन संपर्क करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
