भांगरभूंय | प्रतिनिधी
श्रीराम मंदीर मुर्ती प्रतिश्ठापना दिसा ‘गीत रामायण’
हरमल: अयोध्या श्रीराम मंदिराच्या मुर्ती प्रतिश्ठापना निमतान हरमल गांवांत अक्षता आनी निमंत्रण पत्रिका घरा कणकणीं वांटल्यो. तातूंत हरमल पुलीस आवट पोस्टांतल्या कर्मचाऱ्यांकूय दिल्यो.
ह्या वेळार मुखेल सोयरे संतोष कोरकणकार तशेंच सुखानंद नायक, प्रदीप नायक, राघोबा गावडे, सुशांत रामजी, अर्जून गडेकार, हरेश मयेंकार, साईदास नायक, सुदेश माज्जी, पांडुरंग खवणेकार, नारायण रेडकार, यशवंत नायक, विश्राम ठाकूर, प्रकाश रामजी, प्रकाश नायक, विश्राम तारी, महेश माज्जी, भरत वस्त आदीं वांटेकार जाल्ले.
मजगतीं, हरमल गांवांतल्या दरेका देवस्थानांनी आनी प्रभागांनी वचून अक्षता आनी पत्रिका वांटल्यो.
श्रीराम मंदिराच्या मुर्ती प्रतिश्ठापना निमतान गायक राजेश पुर्खें आनी वांगडी कलाकारांची ‘गीत रामायण’ कार्यावळ 22 वेर सांजवेळा 7 वरांचेर श्रीदेव रवळनाथ देवूळ देवूळवाड्यार आयोजीत केल्या.
ताचे पयलीं सकाळीं धर्मीक विधी, दनपारां आरती आनी 1 ते 3 वरां मेरेन श्रीराम भक्त पुरस्कृत महाप्रसाद जातलो. सांजवेळा 6 वरांचेर गांवचे वतीन श्रीरवळनाथ देवूळ आनी श्रीभूमिका देवळांत तशेंच वाड्या वयल्या देवस्थानांत ‘दीपोत्सव’ मनयतले. तरी भाविकांनी व्हड संख्येन हाजीर रावन श्री कृपेक पात्र जावचें अशें आवाहन श्रीराम भक्तांनी केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
