भांगरभूंय | प्रतिनिधी
खांडोळे मुळावे शाळेचो अभिनव उपक्रम
माशेल: गांवकारवाडो खांडोळ्या सरकारी मुळावे शाळेच्या विद्यार्थ्यांनी प्लास्टीक मुक्त करपाच्या हावेसान कागदाच्यो पोतयो व्हड प्रमाणांत तयार केल्यात. खांडोळेंच्या श्रीसांतेरी देविच्या काल्याचें औचित्य सादून त्यो पोतयो विवीध स्टॉलांचेर विद्यार्थ्यांनी स्वता भोंवून तांकां दिल्यो, आनी त्यो पोतयो गिरायकांक सामान दितना वापरपाची विनंती केली.
तांच्या ह्या उपक्रमा खातीर काल्याक आयिल्ल्या भाविकांनी तांची तोखणाय केली. ह्या उपक्रमा खातीर शाळेच्यो मुख्याध्यापिका राजश्री गाड आनी वांगडी शिक्षकांनी तांकां प्रोत्साहन दिलें.
विद्यार्थ्यांनी हो अभिनव उपक्रम राबोवन हेरांकूय धडो दिल्ले खातीर पालक शिक्षक संघाचे अध्यक्ष मनोज गांवकार, उपाध्यक्ष शेखर सावंत, भांडारी अमेय बर्वे हांणी विद्यार्थ्यांचें अभिनंदन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
