भांगरभूंय | प्रतिनिधी
भांगरभूंय । प्रतिनिधी
म्हापशेंः गोंय प्रदेश भाजपा अध्यक्ष आनी राज्यसभा खासदार आनी पिर्णाचो सुपूत सदानंद शेट तानावडे हाचो पिर्ण हांगच्या श्री केळंबिका देवस्थानांत हालींच भोवमान केलो. जायंट ग्रूप ऑफ पिर्ण आनी केळंबिका देवस्थानाच्या जोड पालवान ही कार्यावळ घडोवन हाडल्ली.
देवस्थान समितीचो अध्यक्ष श्रीपाद नायक आनी ज्येश्ठ म्हाजन बाळकृष्ण नायक हांच्या हस्तुकीं तानावडे हाका शाल, श्रीफल आनी फुलां तुरो भेटयलो. भोवमाना उपरांत आपल्या मनोगतांत सदानंद तानावडे हाणे सांगलेंकी पिर्ण पंचायतीचो पंच, सरपंच, आमदार आनीी खासदार अशी वाटचाल पिर्णांतल्या लोकांचो मोग आनी सहकार्यान शक्य जाली. आपल्या जल्म गांवांत जाल्लो व्हो भोवमान म्हजे नदरेन सामको म्हत्वाचो आसा.
कार्यावळी वेळार माचयेर जायंट ग्रूप आप पिर्णाचो अध्यक्ष पुरुषोत्तम नायक, विश्वनाथ नायक, प्राचार्य उमेश नायक, पत्रकार संगम भोसले, प्रशांत वेर्लेकार आनी हेर मानेस्त आशिल्ले. श्रीपाद नायकान सुरवेक येवकार दिलो आनी प्रास्तावीक केलें. पुरुषोत्मम नायकान उपकार मानले, सूत्रसंचालन संगम भोसलेन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
