भांगरभूंय | प्रतिनिधी
28 वर्सा उपरांत कंपनी ऍप्लिकेशन काडून उडयता, रि-इन्स्टॉल जावचो ना
नवी दिल्ली, खबरां संस्था ः आतां तुमच्या संगणकाचेर वा लॅपटॉपाचेर वर्डपॅड ऍप्लिकेशन वापरूंक मेळचें ना. टेक कंपनी मायक्रोसॉफ्ट बेगीनूच हें ऍप्लिकेशन आपल्या विंडोज ऑपरेटिंग सिस्टमांतल्यान काडून उडयतली. हें अपडेट पयलीं Windows Insider च्या Windows 11 Canary Channel बिल्डांत नोंद केलां.
नव्या बिल्डाच्या ऑपरेटिंग सिस्टमाची स्थापन केल्या उपरांत वर्डपॅड आनी पीपल ऍप्लिकेशनां स्थापीत करचे नात अशें ब्लॉग पोस्टांत म्हणलां. सद्या बीटा आवृत्तींत बदल केल्यात, जे फुडें स्थिर आवृत्तींत येवंक शकतात, पूण अपडेट्स केल्या उपरांत ते सध्याच्या ऑपरेटिंग सिस्टमांतल्यान काडून उडयतले.
परतून स्थापीत जावचे ना…
हो अॅप 1995 सावन विंडोजाचेर आसा. मायक्रोसॉफ्टची सुवात वर्डपॅडान घेतिल्ली. तातूंत एमएस वर्ड सारकीं जायती खाशेलपणां आशिल्लीं आनी ती नोटपॅड अॅपाची प्रगत आवृत्ती आशिल्ली. 28 वर्सां चलत आयिल्लो हो अॅप फकत काडूनच उडयना जाल्यार तो परतून स्थापनय करपाक मेळचो ना.
पूण वर्डपॅड वापरप्यां खातीर बरी खबर म्हळ्यार कंपनीन अजून ते स्थिर विंडोज 11 आवृत्तींतल्यान काडूंक ना आनी अजूनय ते वापरूं येता. तुमी नवो Windows स्थापीत केल्यार वा सद्याचो Windows अपडेट केल्यार तुमकां हे दोन ऍप्लिकेशनां मेळचीं नात. ताचे बदला तुमकां हेर पर्याय वापरचे पडटले.
एमएस वर्ड आनी नोटपॅड वापरूं येता…
मायक्रोसॉफ्ट वापरप्यांक वर्डपॅडा बदला एमएस वर्ड आनी नोटपॅड वापरपाचो सल्लो दिला. .doc आनी .rtf फायलीं खातीर कंपनींनी MS Word आनी .txt फायलीं खातीर Windows नोटपॅड वापरूं येता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
