भांगरभूंय | प्रतिनिधी
नवी दिल्ली, खबरां संस्था : छत्तीसगढच्या रानांत एक ‘राम- नामी’ समाज रावता. ह्या समाजांतले लोक रानांत रावतात. हे लोक रामाचे खर भक्त. ते आपल्या पुराय शरिराचेर श्री रामांचें नांव कायमचें गोंदून घेतात.
बाबरान राम मंदीर मोडलें तेन्ना ह्या समाजाच्या पूर्वजांनी, ‘राम मंदीर आमचे कडल्यान घेतलें, पूण तुमी आमचे राम कशे काडून घेवपाक शकतात?’ अशें म्हणिल्लें. ‘रामाक आमचे कडल्यान पयस कशे करतले तें पळयतां’ अशें म्हणून तेन्ना सावन हे जमातीन आपल्या पुराय शरिराचेर रामाच्या नांवाची नक्षी काडिल्ली. फुडेंय ही परंपरा ह्या समाजा मदीं चालूच उरली. आतां मेरेन ही जमात खंयच्याच धर्मात धर्मांतरीत जावंक ना.
हे लोक रामप्रेमी. आतां हे जमातीचे लोक देवळांतूय वतात. आतां परिस्थिती बदल्ल्या पूण राम नांव बरोवपाची परंपरा आसजूनय तशीच आसा.
Discovery plus la Legends of the Ramayana नांवाची एक Documentary series आसा. तातूंत हे जमाती विशीं सोबीत चित्रण केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
