भांगरभूंय | प्रतिनिधी
बेळगांव, खबरां संस्था ः बेळगांव शारांत 9 जाणांनी एका भाव- भयणीक पायप आनी वारांवांनी बडयले. बेळगांवच्या किला तळ्याचे देगेर सचिन आपले चुलत भयणी वांगडा बशिल्लो. सचिन हो दलीत, जाल्यार चलयेच्या आवय- बापायचें आंतरजातीय लग्न, देखून ते आपल्या नांवा उपरांत मुसलमान आडनांव लायता.
लोकांक दुबाव आयलो की ते जोडपें आनी भावंडां आशिल्ल्याचें नाटक करता. ताका लागून ही घडणूक घडली. ह्या प्रकरणांत पिडित भावा- भयणीन पुलिशेंत कागाळ केल्या. ते प्रमाण पुलिसांनी 9 जाणांक ताब्यांत घेतल्यात. हे सगले अल्पसंख्यांक समाजांतले आसात.
सचिनान सांगलें, हांव म्हजे चुलत भयणीक घेवन युवा निधी येवजणे खातीर अर्ज करपाक गेल्लों. दनपार जाल्ली, येवजणेच्या अर्ज कार्यालयांत जेवणाचो वेळ आशिल्लो म्हणून थंयच्या कर्मचाऱ्यांनी जेवणा उपरांत कांय वेळान येवपाक सांगलें. देखून आमी दोगांय किला तळ्या लागसार वचून बसलीं.
मजगतीं कांय जाण थंय आयले आनी आमचीं नांवां विचारपाक लागले. म्हजें नांव सांगलें सचिन तेन्ना ताणें तूं हिंदू आसल्यार मुसलमान चलये कुशीक कित्याक बसला अशें विचारले. हांवेन सांगले आमी भाव- भयणी पूण आमचे आडनांव वेगवेगळे आसा. उपरांत तांकां आमी जोडपें आशिल्ल्याचो दुबाव आयलो. आरोपीनी सचिनाक जाती वयल्यान गाळयो घाल्यो आनी ताचो गळो दाबपाचो यत्न केलो. तशेंच आरोपीनी तांचे फोन आनी सुमार 7 हजार रुपया काडून घेतले. कांय वेळा उपरांत थंय आनीक 13 जाण आयले. उपरांत आरोपींनी सचिन आनी ताचे भयणीक वेगवेगळ्या कुडींत व्हरून पायप आनी वारावांनी मारले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
