1 जुनाच्यान टी- 20 विश्व करंड क्रिकेट सर्त
भांगरभूंय | प्रतिनिधी
अंदूं टी-20 विश्वचषक 1 जून सावन अमेरिकेंत सुरू जाता. वेस्ट इंडीज आनी अमेरिकेन संयुक्तपणान ही सर्त घडोवन हाडपाचें थारायलां. कट्टर प्रतिस्पर्धी भारत आनी पाकिस्तान हांचे मदली मॅच 9 जुनाक न्यूयॉर्कांत जातली. भारतीय पंगड लीग फेरयेंत चार मॅची खेळटलो. तातूंतल्यो तीन न्यूयॉर्कांत आनी एक फ्लोरिडाक आसतली. आयसीसीन सर्तीचें वेळापत्रक आनी ड्रॉ जाहीर केल्यात.
भारत आनी पाकिस्तान हे दोन देश ‘अ’ गटांत आसात. ह्याच गटांत कॅनडा आनी येजमान अमेरिकेच्या पंगडांचोय आस्पाव आसा. ताका लागून ह्या दोनूय दुबळ्या पंगडांक गट मॅचीं वेळार भारत आनी पाकिस्तान हांचे कडल्यान खर आव्हानाक तोंड दिवचें पडटलें. सर्तीची सुरवातीची मॅच डॅलसांत अमेरिका आनी कॅनडा हांचे मदीं जातली जाल्यार निमणी मॅच 29 जुनाकक बार्बाडोसांत जातली.
वेस्ट इंडीज आनी अमेरिकेच्या संयुक्त येजमानके खाला जावपी हें सर्तींत 55 मॅची जातल्यो. वेस्ट इंडीजांत 6 आनी अमेरिकेंत 3 मॅची खेळयतले. हातूंत 20 पंगड वांटो घेतले. सहभागी पंगड चार गटांनी विभागल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
