भांगरभूंय | प्रतिनिधी
तुमकां फोन कॉल वा हेर आडखळीं बगर फ्लायट मोडांत इंटरनॅट वापरपाक आवडटा? जाल्यार ही बातमी तुमचे खातीर. जायते फावटीं स्मार्टफोन फ्लायट मोडाचेर दवरपाक लायतात. पूण फोन फ्लायट मोडांत दवरल्या उपरांत चड करून सगळें आडखळटा. युट्युबाचेर गितां आयकूंक मेळनात, इंस्टाग्रामाचेर स्क्रोल करपाक मेळना, ऑनलायन खरेदी करपाक लेगीत मेळनात. तुमकां ही समस्या येवचीं न्हय, देखून आमी तुमकां एका अॅपा विशीं सांगपाचे आसात, जाचे वरवीं तुमकां फ्लायट मोडांत लेगीत फोनाचेर इंटरनॅट वापरूंक मेळटलें.
ह्या पयल्या प्रकारा खातीर तुमच्या स्मार्टफोनांत Google Play Storeचेर Force LTE Only (4G/5G) टायप करात. उपरांत तुमकां हांगा अॅप दाखयतले, फोनांत हो अॅप इनस्टॉल करचो. उपरांत तुमकां ४ पर्याय दाखयतले, दुसर्या पर्यायाचेर क्लिक करात METHOD2:(ANDROID 11+). ते उपरांत फोन म्हायतीचेर वचात, हांगा तुमकां मोबायल रेडिओ पॉवराचो पर्याय दिसतलो. मोबायल रेडिओ पॉवर पर्याय सक्षम करात आनी तुमच्या स्मार्टफोनाचेर फ्लायट मोड सुरू करात.
ही प्रक्रिया फॉलो केल्या उपरांत तुमच्या स्मार्टफोनांत फ्लायट मोडार डेटा चालू जातलो. म्हळ्यार आतां तुमी तुमच्या फोनार सगळ्यो सेवा वापरपाक सक्षम आसतले.
गूगल प्ले स्टोराचेर ह्या अॅपाक ४.४ रेटिंग मेळ्ळां आनी आतां मेरेन एक कोटी परस चड वापरप्यांनी हो अॅप डावनलोड केला. हें अॅप्लिकेशन तुमकां नेटवर्क 4G/3G/2Gकरपाक आनी निवडिल्ल्या नेटवर्कांत रावपाक मदत करतलो.
लक्षांत दवरात Force LTE अॅप्लिकेशन दरेक स्मार्टफोनाक तेंको दिना. तो तुमच्या स्मार्टफोनाच्या ब्रँडाचेर आदारून आसता. प्रत्यक्षांत कांय स्मार्टफोन ब्रँडांनी आपल्या डिव्हायसांत बंद नेटवर्क स्वीचिंगचो पर्याय घातला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
