भांगरभूंय | प्रतिनिधी
मनशाक तिडक येतकच कितें करचें आनी कितें ना तें कळना. लास वेगास न्यायालयांत काल अशेंच जालें. देवब्रा रेडेन (३०) ह्या दुबावीताक न्यायालयांत हाडिल्लो. पूण जिल्हो न्यायाधीश न्या. मेरी के होल्थस हिणें ताका जामीन दिवंक ना. ताणें कोणाचेर तरी हल्लो केल्लो. ताका आतां कितें तरी धडो मेळपाक जाय, अशा आशयाचें वाक्य न्या. होल्थस हिणें उच्चारलें आनी जामीन न्हयकारलो. कांय सेकंदा उपरांत रेडेनान न्यायाधिशाच्या आसनाचेर उडी मारली आनी तिका बडोवपाक सुरवात केली. ती ओ माय गाॅड अशें आरडली. तर रेडेन तिका गाळीं संवत मारतालो. इतल्यान बंदखण अधिकारी, कोर्टाचे सुरक्षा रक्षक धावन गेले आनी ताका धरलो. आतां रेडेनाचेर न्यायाधीशाक बडोवपाचो नवो गुन्यांव दाखल केला.
https://x.com/stillgray/status/1742680975732310318?s=20
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
