भांगरभूंय | प्रतिनिधी
झारखंडाचे मुख्यमंत्री हेमंत सोरेन हांचोय आसपाव
रांची, खबरां संस्था ः झारखंडांतल्या बेकायदेशीर खणकामा संबंदीच्या मनी लॉन्ड्रिंग प्रकरणांत अंमलबजावणी संचालनालयान रांची आनी राजस्थानांतल्या १० सुवातींनी धाडी घाल्यात. हातूंत झारखंडाचे मुख्यमंत्री हेमंत सोरेन हांचे प्रेस सल्लागार अभिषेक प्रसाद हांच्या घराचो आस्पाव आसा.
हजारीबागचे पुलीस उपअधीक्षक राजेंद्र दुबे आनी साहिब गंजचे उपजिल्होधिकारी राम निवास हांचेरूय कारवाय जाली. सांगिल्ल्या जमीन घोटाळ्या कडेन संबंदीत आनीक एका प्रकरणांत, ईडीन शेनवारा सोरेन हांकां सातवे खेपो समन्स धाडलें. ह्या समन्स प्रमाण सोरेन हांकां ताची बाजू मांडपाची संद दिल्ली. आमी तुमकां मनी लॉंडरिंग प्रतिबंधक कायदो, २००२ च्या कलम ५० खाला तुमचें म्हणणें नोंद करपाची ही निमाणी संद दितात. ही नोटीस/ समन्स मेळिल्ल्याक सात दिसां भितर जाप दिवप गरजेचें, अशें ईडीन म्हणिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
