भांगरभूंय | प्रतिनिधी
लखनऊ, खबरां संस्था: उत्तर प्रदेशाच्या अमरोहा हांगा धावे यत्तेंत शिकपी एकल्या चल्याक क्रिकेट खेळटना मैदानाचेर मरण आयलें. खेळटना तो उदक पियेल्लो. उपरांत ताका घुंवळ आयली आनी तो मैदानाचेर कोसळ्ळो. ताच्या इश्टांनी ताका रोखडोच हॉस्पिटलांत व्हेलो. पूण दोतोरांनी ताका मरण आयिल्ल्याचें सांगलें.
मोहल्ला कायस्थान हांगा रावपी प्रिन्स इश्टां वांगडा क्रिकेट खेळपाक गेलो. प्रिन्सच्या मरणा उपरांत ताच्या कुटुंबियांनी कसलीच कायदेशीर कार्यवाही करीनासतना ताचे कुडीचेर गंगा घांटार निमणे संस्कार जाले. थंडेक लागून ताका मरण आयिल्ल्याचो दावो कांय जाण करतात. जाल्यार कांय जाण काळजाच्या आताकान ताका मरण आयिल्ल्याचें सांगतात. प्रिन्साक दोन भावंडां आसात. प्रिन्साक अशें अचकीत मरण आयिल्ल्यान ताचें कुटूंब दुख्खांत आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
