भांगरभूंय | प्रतिनिधी
रांची, खबरां संस्था: झारखंडच्या जमशेदपूरांत नव्या वर्साच्या पयल्याच दिसा जाल्ल्या रस्तो अपघातांत ६ इश्टांक मरण आयलें. बिष्टूपूर सर्कीट हावज वाठारांत हो अपघात जालो.
वेगान धांवपी गाडये वयलें चालकाचें नियंत्रण सुटलें आनी डिवायडराक धपको बसलो. उपरांत गाडी वचून झाडाक आदळ्ळी. ह्या अपघातांत ६ तरणाट्यांक मरण आयलें. धपक्याचो आवाज पयस मेरेन आयकूंक आयलो. तो आयकून लोक घरांल्यान भायर आयले.
थळाव्यांनी अपघाताची म्हायती पुलिसांक दिली. पुलीसांनी घडणुके सुवातेर पावून त्या तरणाट्यांच्यो कुडी ताब्यांत घेतल्यो.
हे गाडयेंतले तरणाटे हॉटेलांत नव्या वर्साची पार्टी मनोवपाक गेल्ले. ते सगळे जाण सोर्याचे नशेंत आशिल्ले.
गाडयेंतल्यो कुडी भायर काडपा खातीर क्रेनीचो वापर केलो. हे सगळे तरणाटे कुलुप्तांग हांगा रावपी. गाडयेंत आठ तरणाटे आशिल्ले. तांतल्या ६ जाणांक आक्ताक मरण आयलें. दोगांचो जीव वाटवलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
