भांगरभूंय | प्रतिनिधी
घटमूट रावपाचें आसल्यार तेल उणें खायात, तेलाचें खांव नाका असो सल्लो डॉक्टर, तज्ज्ञ आनी वळखीचे जायते जाण दितात. पूण तुमकां खबर आसा? अशेंय तेल आसा जें तुमच्या शरिराचेर सकारात्मक परिणाम करता.
ह्या तेलांत आशिल्ले कांय घटक या तेलामध्ये कांत ते केंसां मेरेन एके तरेची जादू करून उडयता. ह्या तेलाचो आयुर्वेदांतूय उल्लेख केला. हें तेल एक नॅच्युरल मॉय्सचुरायजर जावन आसा. हें खोबरेल तेल भोवगुणी जावन आसा.
ह्या तेलांत आशिल्ल्या ऍण्टी फंगल गुणांक लागून कांत निरोगी आनी नितळ उरता. खोबरेल तेल हें सामकें फायद्याचें मानतात. हातूंत आशिल्ल्या तत्त्वांक लागून वजन वाडपा पसून सुटका मेळटा.
खोबरेल तेलाचे प्रकार
खोबरेल तेल दोन तरेचीं आसतात. एक अनरिफायन्ड आनी दुसरें रिफान्ड. अनरिफायन्ड तेल शंभर टक्के नाल्ला पसून तयार केकरतात. तातूंत कांयच मिस्तुराद नासता.
खोबरेल तेलाचे फायदे
चरबी कमी करपाक मजत करता- खोबरेल तेलांत एक खासा तरेचो सॅच्युरेटेड फॅट आसता. ह्या घटकाक मिडियम चेन ट्राय ग्लिसरायड (चउढ) अशेंय म्हणटात. तेलांत हो घटक लॉरीक ऍसीड, कॅप्रेेटेलीक ऍसीड आनी कॅपरीक ऍसिडा पसून तयार जाता. जाका लागून शरिरांतली चरबी उणी जावपाक मजत जाता.
गोडेंमूत आनी काळजाच्या दुयेंसांत मजत: वर्जीन खोबरेल तेलांत गोडेंमूत नियंत्रणांत दवरपाची तांक आसता. तशेंच तातूंत आशिल्ले बायोऍक्टीव्ह कंपावंड रक्तांतलें साखरेचें प्रमाण नियंत्रणांत दवरून बर्या कॉलेस्ट्रॉलाक वाडोवपाक मजत करता. जाका लागून काळजाचें दुयेंस बरें जावपाक मजत जाता.
बरे तरेन पचन जाता: पचनसंस्थेचे भलायके खातीरूय खोबरेल तेल फायद्याचें. हाच्या वापराक लागून इरिटेबल बॉवल सिंड्रोम म्हळ्यार अपचन, अतिसार, गॅसीचो त्रास उणो जाता.
केंस आनी कांतीची भलायकी – खोबरेल तेलाच्या वापराक लागून कांत आनी केंसाची भलायकी सुदारता. हें तेल वापरल्यार सुर्याचीं २० टक्के किरणां आडावन दवरता. तशेंच केंसांक हें तेल लायल्यार ते आनीक घटमूट आनी चकचकीत जातात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
