९ उत्कृश्ठ इक्विटी म्युच्युअल फंडा विशीं जाणून घेयात
भांगरभूंय | प्रतिनिधी
हे वर्स इतिहासीक थारलां. वर्सभर BSE सेन्सेक्स आनी NSE निफ्टी सारकिल्ल्या मुखेल देशां खाला निर्देशकांनी सेगीत नवी उच्च पातळी निर्माण केल्या.
आयच्या वेव्हारांत निफ्टीन पुरत इतिहास रचला. इक्विटींत गुंतवणूक करपी म्युच्युअल फंडांकूय हाचो फायदो जाला. २०२३त ९ उत्कृश्ठ इक्विटी म्युच्युअल फंड आसात, जांणी एसआयपी वयर ६० टक्क्यां परस चड परतावो दिला.
इक्विटी म्युच्युअल फंड म्हळ्यार कितें?
इक्विटी म्युच्युअल फंड म्हळ्यार तो फंड जो तांच्या मालमत्ता वाटपांत इक्विटीक चडांत चड प्राधान्य दिता. दुसर्या शब्दांत सांगचें जाल्यार जे फंड आपली चडशी मालमत्ता इक्विटींत गुंतवणूक करतात तांकां इक्विटी म्युच्युअल फंड म्हणटात. हातूंत लार्ज कॅप म्युच्युअल फंड, मिड कॅप म्युच्युअल फंड, स्मॉल कॅप म्युच्युअल फंड, फ्लेक्सी कॅप म्युच्युअल फंड, मल्टी कॅप म्युच्युअल फंड, ईएलएसएस फंड म्हळ्यार टॅक्स सेव्हर म्युच्युअल फंड, कॉन्ट्रा म्युच्युअल फंड, व्हॅल्यू म्युच्युअल फंड, फोकस्ड म्युच्युअल फंड इ.
६ फंडांचो परतावो ६० टक्क्यां परस चड
शेअर बाजाराच्या ऐतिहासीक रॅलीच्या नेटार ह्या सगळ्या इक्विटी म्युच्युअल फंडांनी अंदूं उत्कृश्ठ परतावो दिला. इक्विटींत गुंतवणूक करप्यांच्या ६ फंडांनी २०२३ त तांच्या एसआयपी गुंतवणूकदारांक ६० टक्के परतावो दिला. साधारणपणान ज्या गुंतवणूकदारांच्या मनांत चड काळाचीं उद्धीश्टां आसतात ते एसआयपी म्हणजेच पद्धतशीर गुंतवणूक येवजणे खाला गुंतवणूक करतात.
७० टक्क्यां परस चड परतावो
एसएमएफ डेटा प्रमाण अंदूं आतां मेरेन अर्दो डझन इक्विटी म्युच्युअल फंडांनी तांच्या SIP गुंतवणूकदारांक ६०-६० टक्क्यां परस चड परतावो दिला. एका फंडान ७० टक्क्यां परस चड परतावो दिला. तो म्हळ्यार बंधन स्मॉल कॅम्प फंड. अंदूं एसआयपी गुंतवणूकदारां खातीर उत्कृश्ठ इक्विटी फंड खंयचे आसात आनी तांणी तांच्या गुंतवणूकदारांक कितलो परतावो दिला तें पळोवया.
एसआयपी गुंतवणूकदारां खातीर उत्कृश्ठ इक्विटी फंड खंयचे?
बंधन स्मॉल कॅप फंड: ७०.६० टक्के
महिंद्रा मॅन्युलाइफ स्मॉल कॅप फंड: ६९.७८ टक्के
आयटीआय स्मॉल कॅप फंड: ६५.५१ टक्के
निप्पॉन इंडिया ग्रोथ फंड: ६३.९६ टक्के
फ्रँकलीन इंडिया स्मॉलर कंपनीज फंड: ६३.०५ टक्के
एचएसबीसी मल्टी कॅप फंड: ६१.१६ टक्के
क्वांट स्मॉल कॅप फंड: ५९.४९%
निप्पॉन इंडिया स्मॉल कॅप फंड: ५८.५४ टक्के
जेएम व्हॅल्यू फंड: ५८.४४ टक्के
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
