भांगरभूंय | प्रतिनिधी
नवी दिल्ली, खबरां संस्था ः सरकार आतां भारत ब्रँडा खाला तांदूळ 25 रुपया दरान विकतलें. तांदळांचो दर वाडपाचेर नियंत्रण दवरपा खातीर सरकार अशें करता. सरकार पयलींच ह्या ब्रँडा खाला पीठ आनी दाळ विकतात. सध्या देशांत तांदळाचें सरासरी दर 43 रुपया किल आसा.
भारतीय नॅशनल अॅग्रिकल्चरल कोऑपरेटिव्ह मार्केटिंग फेडरेशन (Nafed), नॅशनल कोऑपरेटिव्ह कंज्युमर फेडरेशन (NCCF) आनी केंद्रिय भण्डार आऊटलेटांतल्यान ताची विक्री जातली. एका सरकारी अधिकाऱ्यान ही म्हायती दिल्या. 6 नोव्हेंबर 2023 दिसा केंद्र सरकारान 27.50 रुपया दर किल दरान ‘भारत आटा’ बाजारांत हाडलो. 10 किलो आनी 30 किलो पॅकांत हे मेळटा. गंवाचे दर वाडिल्ल्यान हो निर्णय घेतला. सध्या देशांत पिठाचें सरासरी दर 35 रुपया किल आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
