मध्य प्रदेशांत बसीक उजो
भांगरभूंय | प्रतिनिधी
13 जाणांक लासून मरण, जायते जाण जखमी
भोपाळ, खबरां संस्था ः मध्य प्रदेशांतल्या गुना जिल्ह्यात बुधवारा रातीं भिरांकूळ अपघात जालो. बसीचो डंपर ट्रकाक नेटान धपको लागिल्ल्यान बसीक उजो लागलो. हांतूत 13 जाणांक लासून मरण आयले जाल्यार जायते जाण जखमी जाल्यात. जखमी जाल्ल्यांक उपचारा खातीर हॉस्पिटलांत दाखल केला.
मेळिल्ले म्हायती प्रमाण मध्य प्रदेशांतल्या गुना – आरोन मार्गाचेर हो अपघात जालो. गुना सावन आरोन कडेन वचपी बसीन मुखारच्यान येवपी डंपर ट्रकाक नेटान धपको दिल्ल्यान बसीक उजो लागलो. बसीक उजो लागिल्ल्यान प्रवाश्यांनी भियेवन जनेलांतल्यान भायर सरुन आपणाक वाटोवपाचे यत्न केले. पूण कांय प्रवासांक मरण आयलें जाल्यार जायते जाण जखमी जाले.
ह्या अपघातांत मरण आयिल्ल्यांक दरेकीं 4 लाख रुपया आनी जखमींक दरेकीं 50 हजार रुपया अर्थीक मजत दिवपाची घोशणा मुख्यमंत्र्यान केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
