भांगरभूंय | प्रतिनिधी
स जाण गंभीर जखमी : ८ म्हयन्यांचें सानुलें बाय वाटावलें
सोलापूर, खबरां संस्था : कर्नाटकांतल्यान गाडयेन शिर्डी साईबाबांच्या दर्शना खातीर भायर सरिल्ल्या भाविकांचेर काळान घालो घालो. तांचे गाडयेचो अपघात जावन चवगांक मरण आयलें जाल्यार स जाणां गंभीर जखमी जाल्यात. ह्या अपघातांत आठ म्हयन्याचें चली वाटावलें.
करमाळा तालुक्यांतल्या पांडे गांवा लागसार फांतोडेर भाविकांची तावेरा गाडी आनी कंटेनराचो अपघात जालो. तातूंत श्रीशैल चांदेगा कुंभार (५५), शशिकला श्रीशैल कुंभार (५०), ज्योती दीपक हुनशामठ (३८) आनी शारदा हिरेमठ (६७) हांकां मरण आयलें. जाल्यार सौम्या श्रीधर कुंभार (२६), कावेरी विश्वनाथ कुंभार (२४), शशिकुमार त्रिशाला कुंभार (३६), श्रीधर श्रीशैल कुंभार (३८), नक्षत्रा विश्वनाथ कुंभार (८ म्हयने) आनी तवेरा चालक श्रीकांत रामकुमार चव्हाण (२६) हीं जखमी जाल्यांत. अपघाता उपरांत तवेरा गाडी रस्त्याच्या सकयल उमथी पडली. कंटेनर चालकान थंयच्यान फुज्जो काडली.
कर्नाटकांतल्या कलबुर्गी, हुबळी, बागलकोट भागांतलें हें कुटुंब. तातूंत एकामेकांची सोयरे आशिल्ले भावीक साईबाबांच्या दर्शना खातीर वतालीं. अपघाताची म्हायती मेळटांत करमाळा पुलीस घडणुके सुवातेर दाखल जाले. जखमींक करमाळ्यांतल्या सरकारी हॉस्पिटलांत दाखल केल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
