भांगरभूंय | प्रतिनिधी
नवी दिल्ली, खबरां संस्था ः भारताचे शिमे वयल्यान कोणेंय भितर सरपाचो यत्न केल्यार तांकां आतां म्होंवां मुसांक तोंड दिवचें पडटलें. शीम सुरक्षा दळ म्हळ्यार बीएसएफान हे खातीर येवजण तयार केल्या. भारत- बांगलादेश शिमेर कांय भागांचेर हें काम सुरू जालां. शिमेवेल्या हेर भागांनीय म्होंवा मूस पोसपाचें काम सुरू जालां. शिमे वयल्या कांटयार्या सरयांचेर हे म्होंवा मूस पोसतात. सध्या तो पायलट प्रोजेक्ट म्हणून सुरू केला. हातूंत येस आयल्यार फुडाराक तें व्हडा प्रमाणांत करतले.
बांगलादेशांतल्यान भारतांत घुसखोरी सामान्य आसा. खुबशे फावट अश्या लोकांक शिमेर धरतात. हांगचे शिमेर लक्ष दवरपाची जापसालदारकी शीम सुरक्षा दळाची जावन आसा. हांगां तैनात आशिल्ले सैनीक खुबशे फावट वैध कागदपत्रां बगर भारतांत येवपी बांगलादेशी नागरिकांक ताब्यांत घेतात. आतां बीएसएफान अशी तयारी केल्या जाका लागून शिमेरच्या भितर सरप कठीण जातलें. जर कोणेंय कांटयारी सरी हुपपाचो यत्न केलो जाल्यार म्होंवा मूस हे ताचे यत्न येसस्वी जावपाक दिवचे नात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
