भांगरभूंय | प्रतिनिधी
सध्या जायतीं कामां ऑनलायन पद्धतीन जातात. अभ्यास आसूं, ऑनलायन चांचणी आसूं वा पेपर आसूं. ऑनलायन पेमेंट्स सावन खरेदी मेरेन सगळें इंटरनॅटाचेर आदारून आसता. अशे परिस्थितींत स्मार्टफोनांत इंटरनॅटाचो उणाव व्हड समस्या निर्माण करता. जायते फावटीं तुमच्या फोनांतलो डेटा बेगीन सोंपता. आनी उपरांत कितें करचे हो प्रस्न सगल्यांक पडटा.
इंटरनॅटाचो डेटा इतलो बेगीन कित्याक सोंपता?
० खरें म्हणल्यार इंटरनॅट बेगीन सोंपपाक जायतीं कारणां आसूं येतात. पूण तीं कांय कारणां काडून उडयल्यार ही समस्या सोडोंव येता.
० इंटरनॅट बेगीन सोंपपाचें एक व्हडलें कारण म्हणल्यार फोनांतले अॅप्लिकेशन वा सॉफ्टवेअर ऑटो अपडेट आसप.
० फोनांत जायते ऍप्लिकेशनां सतत सक्रिय आसतात, तातूंत नेव्हिगेशन अॅप्स, खरेदी अॅप्स, गेमींग अॅप्स वा जून नकळत चलपी हेर खंयच्याय प्रकारचे अॅप्स आसतात.
० हातूंत कसलीच गरज नासतना फोनाचें इंटरनॅट चालू दवरप वा फोटो आनी व्हिडियो खातीर फोनाच्या कॅमेऱ्याचो सतत वापर करप हाचो आस्पाव जाता.
डेटा वाटावपाक करात ह्यो सेटिंग्ज…
० तुमकां तुमचो इंटरनॅट डेटा वाटावचो आसल्यार, तुमच्या फोनाच्या सेटिंग्जांत वचून डेटा सेव्हर मोड सुरू करात.
० हाचे खातीर तुमकां चड कितें करपाची गरज ना, फकत फोन सेटिंग्जांत वचात. हाचे उपरांत कनेक्शनचेर क्लिक करात, डेटा वापराचेर क्लिक केल्या उपरांत सेव्ह डेटा पर्यायाचेर क्लिक करात.
० हे प्रक्रिये उपरांत, तुमकां खंयचे अॅप डेटा वापरूं येतात आनी खंयचे ना तें निवडूंक मेळटलें.
डेटा मर्यादा थारावची…
० डेटा मर्यादा सेट करपाक, फोन सेटिंग्जांत वचून कनेक्शनाचेर क्लिक करात.
० ते उपरांत डेटा वापर पर्यायाचेर क्लिक करात.
० ते उपरांत सेट डेटा वॉर्निंग इनेबल करात.
० हें केल्या उपरांत डेटा वॉर्निंगात वचून तुमची दिसपट्टी इंटरनॅट वापराची मर्यादा सेट करात.
० तुमची थारायिल्ली डेटा वापर मर्यादा पुराय जातकच इंटरनॅट तुमच्या फोनाचेर काम करपाचे बंद करतलें. तुमकां जाय तेन्ना हे सेटिंग बदलूं येता आनी तुमच्या गरजे प्रमाण समायोजीत करूं येता.
फोनांतलो ऑटो अपडेट पर्याय बंद करचो. गरज पडल्यार खंयचोय अॅप वा सॉफ्टवॅर मॅन्युअली अपडेट करात. हाचे खातीर तुमी वेळावेळार अपडेट तपासूंक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
