भांगरभूंय | प्रतिनिधी
तुमचें जिवीत सोंपें करपा खातीर सरकारान नवो हायवे सुपर अॅप (राजमार्ग यात्रा अॅप) सुरू केला. हो अॅप NHAI कंपनीन तयार केला. ह्या अॅपा वरवीं हायवे संबंदीत सगली म्हायती एकाच सुवातेर मेळटली. तुमच्या फोनांतलो हो एक अॅप तुमचें काम खूब सोंपें करतलो. ह्या अॅपांत तुमी लागसारच्या टोल प्लाझा, तुमच्या मार्गा वयलो टोल प्लाझा, एनएच, पेट्रोल पंप, हॉस्पिटल, हॉटेल आदी सेवां विशीं पुराय म्हायती दिवंक शकतात. सरकाराचो हो नवो हायवे सुपर अॅप जायत्यो गरजो पुराय करतलो. हो अॅप हायवेचेर प्रवास करतना वापरप्यांक वेगवेगळ्या प्रकारची म्हायती आनी सुविधा दितलो.
हायवे सुपर अॅपांत हीं खाशेलपणां उपलब्ध आसतलीं
० ह्या अॅपांत तुमकां हायवे नकासो पळोवंक मेळटलो. तातूंत हायवेचेर आशिल्ले टोल प्लाझा, सर्विस स्टेशनां, हॉस्पिटलां, पुलीस स्टेशनां सारकिल्ली म्हायतीय आसपावीत केल्या.
० ट्रॅफिक अपडेट्स: ही सेवा तुमकां हायवेचेर आशिल्ल्या येरादारी परिस्थिती विशीं म्हायती दाखयता. खंय ट्रॅफिक आसा, कितले आसा हे सगळे तुमका कळटलें. हाचे वरवीं तुमी तुमच्या सुवातेर पावपाक सगळ्यांत बरो वेळ निवडूंक शकतात.
० हवामान अपडेट्स: ह्या खाशेलपणान तुमकां तुमचो प्रवास सुरू करचे पयलीं हवामानाची म्हायती मेळूं येता. जाका लागून हवामानाचेर आदारून तुमी सुरक्षीतपणान प्रवास करपाक शकता.
० हॉटस्पॉट: हाका लागून हायवेचेर आशिल्ल्या हॉटस्पॉटांचीय म्हायती मेळटा. हातूंत रेस्टॉरंट, हॉटेल, शॉपिंग मॉल आदी विशीं म्हायती आस्पावीत आसा.
जायते फायदे जातले…
० राजमार्ग यात्रा अॅपा वरवीं तुमकां येरादारीची स्थिती, हवामानाची म्हायती आनी हायवे विशीं हेर म्हायती आदींच मेळूं येता. हाच्या आदारान तुमकां सुरक्षीतपणान भोंवपाक मेळटा.
० हो अॅप वापरून तुमी खूब वेळ वाटोवंक शकतात आनी तुमच्या गरजे प्रमाण तुमचो मार्ग थारावंक शकतात.
० हो अॅप तुमचें जिवीत सोंपें करतलो, कारण तुमकां हायवेची सगळी म्हायती ह्या एकाच अॅपांत मेळटली.
तुमी गूगल प्ले स्टोर आनी अॅपल अॅप स्टोर ह्या दोनूय प्लॅटफॉर्मांतल्यान राजमार्ग यात्रा अॅप डावनलोड करूंक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
