आधाराचें लॅमिनेशन विसरात, आतां ५० रुपयान मेळयात Pvc Card

भांगरभूंय | प्रतिनिधी

आदीं आधार कार्ड कागदा पसून ( Pvc Aadhaar Card ) तयार करताले आनी ताचेर प्लास्टीकाचें लॅमिनेशन आसतालें. कांय काळा उपरांत हें लॅमिनेशन इबाडटा. उपरांत परतून लॅमिनेशन करचें पडटालें. आधार कार्ड परत परत लॅमिनेशन करपाक पडचें न्हय जाल्यार पीव्हीसी आधार कार्ड घेवचें. ताचो खर्च फकत ५० रुपया येतलो. हाचे खातीर तुमकां कांय विशिश्ट पावलां पाळचीं पडटलीं.

पीव्हीसी आधार कार्डा खातीर अर्ज कसो करचो:

• सगल्यांत पयलीं हीं https://residentpvc.uidai.gov.in/order-pvcreprint हे वेबसायटीक भेट दिवची पडटली.
• उपरांत १२ अंकांचें आधार कार्ड घालचें पडटलें.
• सेक्युरिटी कोड घातले उपरांत तो तुमचे स्क्रीनाचेर दिसतलो.
• My Mobile number is not registered अशें दिसलें जाल्यार मागीर तो निवडचो पडटलो. जेन्ना तुमचो मोबायल नंबर आधारा कडेन जोडिल्लो नासल्यार अशें जातलें.
• मोबायल आधारा कडेन लींक करपा खातीर मोबायल नंबर घालचो पडटा.
• मोबायल नंबर लिंक केल्लो आसल्यार हो पर्याय दिसचो ना.
• उपरांत तुमच्या मोबायल नंबराचेर ओटीपी धाडटले. ते उपरांत ताची खात्री करची पडटाली.
• तुमकां पेमेंट करचो पडटलो.
• उपरांत २८ आंड्यांची सर्व्हिस रिक्वेस्ट येतली.
• ह्या २८ आंकड्यांचे मदतीन तुमी पीव्हीसी आधार कार्ड ट्रॅक करपाक शकतात.

आधार कार्ड फुकट अपडेट करपाची मुजत वाडयल्या

आधार कार्ड हो एक सामको म्हत्वाचो दस्तावेज आनी तो अद्ययावत करचो पडटलो. आधार कार्ड फुकट अपडेट करपा खातीर सरकारान १४ डिसेंबराची मुजत दिल्ली. पूण आतां सरकारान आधार कार्ड मुफत अपडेट करपाची मुजत तीन म्हयने वाडयल्या. आतां आधार कार्ड १४ मार्च २०२४ मेरेन अपडेट करूं येता. आधार केंद्रांत लांब रांक टाळपा खातीर तुमी UIDAI च्या अधिकृत संकेतथळार आधार कार्ड अपडेटा खातीर ऑनलायन अपॉयंटमेंट बूक करूंक शकतात. तुमी आधार ऑनलायन आनी ऑफलायन दोनूय तरेन अपडेट करूंक शकतात आनी तशेंच तुमी आधार केंद्र वा CSC केंद्राक भेट दिवन म्हायती अपडेट करूंक शकतात.

म्हत्वाचें म्हणल्यार आधार कार्ड अपडेट करपाची सुविधा फकत ऑनलायन उपलब्ध आसा. तुमी ही म्हायती भारतीय युनीक आयडेंटिफिकेशन ऍथॉरिटीच्या अधिकृत संकेतथळा वयल्यान म्हळ्यार यूआयडीएआय कडल्यान अद्ययावत करूंक शकतात. फुकट अपडेटाची तारीख १४ मार्च २०२४ मेरेन वाडयल्या.