भांगरभूंय | प्रतिनिधी
गर्लफ्रेंडाच्या त्रासाक वाजेवन केली आत्महत्या
मुंबय, खबरां संस्था ः प्रथम होवाळ ह्या 20 वर्सां पिरायेच्या तरणाट्यान मुंबयच्या पवई पुलीस स्टेशनांच्या वाठारांत गोळ घेवन आत्महत्या केल्ली. प्रथमाच्या इश्टांनी दिल्ले म्हायती प्रमाण, ताची गर्लफ्रेंड ताका मानसीक त्रास दिताली. तशेंच ती ताचे कडेन परत परत पयशे मागताली. मानसीक त्रास सोंसूंक जावंक नाशिल्ल्यान प्रथमान आत्महत्या केली. हाचे उपरांत प्रथमाच्या बापायन लागसारच्या पुलीस स्टेशनांत एका चलये आड आपल्या पुताक आत्महत्या करपाक प्रवृत्त केल्ल्याची कागाळ दाखल केली.
मजगतीं, ह्या प्रकरणांत एक चॅटिंग उजवाडाक आयल्या. हातूंत संबंदीत चली प्रथमा कडेन खरेदी करपा खातीर एक लाखाची मागणी करताले अशें दिसून आयलें. पुलिसांनी हे तरणाटे चलये आड भारतीय दंड संहितेच्या कलम 306 खाला आत्महत्या करपाक प्रवृत्त केल्ल्यान एफआयआर नोंद केला. चलयेक अजून अटक जावंक ना, पुलीस फुडलो तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
