भांगरभूंय | प्रतिनिधी
Truecaller चेर डेटा चोरीचो आरोप जाले उपरांत जायत्या जाणांनी स्मार्टफोना वयल्यान Truecaller अनइन्स्टॉल केला, पूण अशें केल्यार लोकांक आनीक एक व्हडली समस्या निर्माण जाल्या. ती म्हळ्यार अनवळखी नंबरा वयल्यान फोन आयल्यार कॉलर आयडी विशीं कसलीच म्हायती मेळना. पूण आतां यूपीआय अॅप आनी टेलिग्राम वरवीं फोन करपी अनवळखी व्यक्ती विशीं म्हायती मेळू शकता.
तुमच्या मोबायलांत Truecaller ना आनी तुमी फोन पे, पेटीएम, गूगल पे वा हेर खंयचोय यूपीआय अॅप वापरतात जाल्यार ताच्या आदारान तुमी अनवळखी क्रमांकांतल्यान फोन करप्यांचें नांव जाणून घेव शकता. हाचे खातीर यूपीआय अॅप उगडून पेमेंट पर्यायाचेर वचून क्रमांक घालचो पडटलो. अशें केल्यार अनवळखी नंबरांतल्यान फोन करपी मनशाचें नांव दिसतलें.
यूपीआय वयल्यान मेळटली अचूक म्हायती…
जायते फावटीं, लोकांक Truecaller कडल्यान कॉलरा विशीं योग्य म्हायती मेळना, कारण Truecaller कडेन तुमचें नांव संपादीत करपाचो पर्याय आसा. जाल्यार यूपीआय पेमेंट अॅपांत तुमचें नांव बँकींग तपशीलांतल्यान अचूक म्हायती मेळटली.
टेलिग्रामा वरवींय नांव कळूं येता…
तुमकां UPI वा Truecaller वरवीं अनवळखी फोन करप्याचे नांव कळपाक जायना जाल्यार, तुमी हाचे खातीर दुसरो पर्यायय निवडूंक शकतात. हाचे खातीर तुमकां तुमचो Telegram अॅप उगडचो पडटलो आनी Truecallerjs_bot उगडचो पडटलो आनी अनवळखी क्रमांक घालचो पडटलो. अशें केल्यार तुमकां फोन करप्याचो सगळो तपशील दिसतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
