भांगरभूंय | प्रतिनिधी
नवी दिल्ली, खबरां संस्था ः अंदूं जानेवारी ते ऑक्टोबर ह्या काळांत देशांत 3917.52 किल तस्करीचें भांगर जप्त केलां अशी म्हायती सरकारान लोकसभेत दिली.
केंद्रीय अर्थ राज्यमंत्री पंकज चौधरी हांणी सांगलें, ऑक्टोबर मेरेन भांगराच्या तस्करीचीं 4798 प्रकरणां उक्ताडार जाल्यात. तातूंत 3917.52 किल भांगर सांपडलें. 2022 वर्सा 3502.16 किल भांगर जप्त केले, जाल्यार 3982 तस्करीचीं प्रकरणां उक्ताडार जाल्यात. 2021 वर्सा 2383 किल भांगर जप्त केलें, जाल्यार 2445 तस्करीचीं प्रकरणां उक्ताडार आयल्यात. 2020 वर्सा 2155 किल भांगर जप्त केलें, जाल्यार 2567 तस्करीचीं प्रकरणां उक्ताडार आयल्यात.
भांगराच्या तस्करीचेर महसूल गुप्तचर संस्था बारीकसाणेन नदर दवरता. हे खातीर प्रवाशांचेर बारीक नदर, मालवाहतूक येरादारीचेर नदर, पुरवण साखळीचेर नदर दवरतात.
परकी नागरिक भारतीय नागरिकां वांगडा भांगराची तस्करी करतात काय? हाचेर तांणी सांगलें, 2020 वर्सा सावन हे संबंदी सात घडणुको उजवाडाक आयल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
