भांगरभूंय | प्रतिनिधी
खबरां संस्था ः नव्या युगाच्या स्टंपांन क्रिकेटांत प्रवेश केला. ऑस्ट्रेलियेच्या टी- 20 लीग ‘बिग बॅश लीग’ सर्तींत हे नवे स्टंप दिसून आयले. ताका ‘इलेक्ट्रा स्टंप’ अशें नांव दिलां. ह्या स्टंपांचें खाशेलपण म्हळ्यार फोर- सिक्स ते नो बॉल मेरेन दर एका प्रकरणांत वेगवेगळे रंग दिसतले. हे सगळे रंगूय खूब आकर्शक दिसतात. हाचे आदीं बायलांच्या बीबीएलांत ताचो वापर केल्लो.
शुक्रारा (22 डिसेंबर) बिग बॅश लीग मॅची पयलीं मार्क वॉ आनी मायकेल वॉन हांणी स्टंपाची म्हायती दिली. बायलांच्या बिग बॅशांत ह्या स्टंपांचो वापर केला, पूण दादल्यांच्या क्रिकेट सर्तींत हे स्टंप वापरपाची ही पयलीच खेपेची गजाल आसतली अशें मायकल वॉन हांणी सांगलें.
० विकेट : खंयचोय खेळगडो आवट जालो जाल्यार स्टंपाचेर तांबड्या रंगाच्यो लायट दिसतल्यो.
० फोर : बॉल बॅटाक लागलो आनी शिमेक स्पर्श जालो म्हणसर स्टंपांक वेगवेगळे तरेकवार लायटी दिसतल्यो.
० सिक्स : जेन्ना बॉल बॅटाक लागले उपरांत सरळ शिमेचेर पावता तेन्ना स्टंपांचेर वेगवेगळे रंग सरकतना दिसतले.
० नो बॉल : अंपायरच्या संकेता उपरांत नो बॉला खातीर ह्या स्टंपाचेर तांबडे आनी धवे रंगाच्यो लायट्स दिसतल्यो.
० ओव्हरीं मदीं : एक ओव्हर सोंपतकच फुडलो ओव्हर सुरू जाय मेरेन स्टंपांचेर जांबळो आनी निळ्यो रंगाच्यो लायटी चालू उरतल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
