भांगरभूंय | प्रतिनिधी
-अांतर विद्यापीठ फुटबॉल बायलां चॅम्पियनशीप
पणजी: गोंय विद्यापिठान अस्तंत विभागीय आंतर विद्यापीठ फुटबॉल बायलां चॅम्पियनशीप 2023-24 खातीर बायलां फुटबॉल पंगडाची निवड केल्या. ही सर्त 22 ते 26 डिसेंबर मजगतीं, आय. टी. एम. विद्यापीठ ग्वाल्हेर, मध्यप्रदेशांत खेळयतले.
गोंय विद्यापिठाचे सहाय्यक शारिरीक शिक्षण आनी खेळां संचालक भालचंद्र्र जादर हांचे हाजिरेंत पंगडा खातीर कीट वितरण आनी निरोप समारंभ आयोजीत केल्लो. ह्या वेळार गोंय विद्यापिठाचे सहाय्यक खेळां अधिकारी डॉ. शैलेंद्र गांवकार, पंगड प्रशिक्षक कॉलीन वाझ, रायन परेरा, सहाय्यक प्रशिक्षक कॉलीन वाझ, पंगड वेवस्थापक मिल्टन फर्नांडीस आनी सुश्री जेरोमिना कोलाको हाजीर आशिल्ले.
अस्तंत विभागीय आंतर विद्यापीठ फुटबॉल बायलां चॅम्पियनशीप सर्तींत गोंय विद्यापिठाचे खेळगडे प्रतिनिधीत्व करतले.
अजुरी सिल्वा, मेलोष्का कार्व्हालो, अाग्नेला अंताओ, आरोशी गोवेकार, तन्वी खेडेकार, दीक्षिता सातार्डेकर, अनीला बॅरेटो, रिया पिरेस, पुष्पा मासिओ जोसेन, कारसेल जोसेन, फ्लानी कोस्टा, सानिया पेडणेंकार, डोनिया फर्नांडिस, ब्लेसिका रॉड्रिग्स, अॅलिसिया फर्नांडिस, अक्सा सय्यद, तन्वी परुळेकार, सिमरन नार्वेकार आणि सेजल नायक ह्या बायलां पंगडाचो आस्पाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
