भांगरभूंय | प्रतिनिधी
भांगरभूंय । प्रतिनिधी
माशेलः खांडोळें हांगच्या सरकारी म्हाविद्यालयाच्या राजशास्त्र विभागाची मुखेली डॉ सीमा साळगांवकार हिणे बरयल्ल्या ‘गोवा: ट्रांझिशन ऑफ गोवा पोस्ट लिबरेशन’ ह्या पुस्तकाचें प्रकाशन गोंय विद्यापिठाच्या डीडी कोसंबी चॅरेचे आदले अभ्यागत प्राध्यापक पीटर रोनाल्ड डिसोझा हांचे हस्तुकीं पणजे हांगच्या ग्रँड डेलमॉन हॉटेलांत आयोजीत केल्ले कार्यावळींत प्रकाशन जालें.
कार्यावळीक खांडोळे म्हाविद्यालयाची प्राचार्य डॉ पूर्णकला सामंत, गोंय विद्यापिठाचे प्रा. राहुल त्रिपाठी हाजीर आशिल्ले. गोंयच्या मुक्ती उपरांतच्या प्रवासाचेर डॉ साळगांवकार हिणे पुस्तकांत भाश्य केलां. तातूंत गोंयच्या तालुकोनिहाय उदरगतीचें वर्णन केलां. तशेंच गोंयांतल्या राजकी फुडाऱ्यांचे कामगिरीचे, पंचायत राज कार्यपद्दतीचेर चर्चा केल्या. गोंयचे अर्थीक उदरगतीक ओपल्लो एक लेख पुस्तकांत आसा. ‘लिसनिंग टू हर वॉईस’ व्हो गोंयच्या बायलांचेर बरयल्लो लेख आसा अशें प्रा. डिसोझा हाणे सांगलें. डॉ पूर्णकला हिणे पुस्तका विशीं आपलें मत मांडलें. निमाणे लेखिका डॉ सीमा साळगांवकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
