भांगरभूंय | प्रतिनिधी
मनशाची कूड जायत्या पोशक तत्वांनी (Nutrients) आनी प्रथिनांनी (Protein) तयार जाल्ली आसता. कुडींत खनिज आनी पोशक तत्वांचो उणाव जाल्यार असंतुलन निर्माण जाता आनी मनीस दुयेंत पडटा. देखून योग्य आहाराची गरज आसता, जाका लागून कुडींतल्या पोशक तत्वांचो आनी प्रथिनांचो उणाव भरता. जीवनसत्व बी 12 हें आमच्या कुडींत मेळपी एक खूब म्हत्वाचें पोशक तत्व. बी 12 जीवनसत्वाची उणीव जाल्यार ल्हव ल्हव कुडींत जायत्यो समस्या निर्माण जातात. बी 12 जीवनसत्वाची उणीव भरून काडपा खातीर तुमच्या आहारांत जीवनसत्वां, खनिजां, प्रथिनां आनी कार्बोहायड्रेट सारकिल्ली खाणां आस्पावीत करात.
बी 12 जीवनसत्वाची उणीव जाल्ल्याचीं लक्षणां….
० कात हळडुवी जावप
० जीब तांबडी जावप वा जिबेचेर तांबडे फोड येवप
० नदर उणी जावप
० तोंडांत अल्सर जावप
० थकवो जाणवप
० स्वास घेवपाक त्रास जावप
० भूक लागप ना वा भूक उणी जावप
० थंडी लागप
बी 12 व्हिटॅमिनाच्या उणावाचेर उपाय…
तातीं
दर दिसा तांतयां खाल्यार जायत्या गंभीर दुयेंसां पासून पयस उरतलें. तांतयांनी जीवनसत्वां आनी प्रथिनां भरपूर प्रमाणांत आसतात.
नुस्तें
सॅल्मन, ट्यूना सारकिल्या नुस्त्यांत जीवनसत्वां, प्रथिनां आनी ओमेगा 3 फॅटी अॅसिड सारकिल्ले पोशक तत्व आसतात. देखून ह्या नुस्त्याचो आहारांत आस्पाव करचो.
मांस
तुमी मासाहारी आसल्यार जीवनसत्व बी 12 ची उणीव खूब बेगीन भरतलीं कारण तुमी मटण, चिकन खावंक शकतात.
दुदाचे पदार्थ
तुमी शिवराक आसल्यार आनी तुमच्या आहारांत मांस आनी तांतयांचो आस्पाव करूंक मेळना जाल्यार दुदाचे पदार्थूय एक बरो पर्याय. कुडींत बी 12 जीवनसत्वाची उणीव आसल्यार आहारांत दूद, चीज, ताक सारक्या दुदाचे पदार्थ आस्पावपाक जाय. तातूंत बी 12 जीवनसत्व भरपूर आसता.
ओट्स
ओटमील हो जीवनसत्व बी 12 चो बरो स्त्रोत. ओटमीला भायर कॉर्नफ्लेक्स, ताक आदी जीवनसत्व बी 12 भरपूर प्रमाणांत मेळटा.
पाचवी भाजी
पाचव्यो भाजयो जीवनसत्व बी 12 चो बरो स्त्रोत. सदांच पाचव्यो भाजयो खावच्यो. पाचव्यो भाजयो खाल्यार तुमी सदांच निरोगी उरतली. ह्या भाजयांनी जीवनसत्व बी 12 आसता, तशेंच कुडीक जाय आशिल्लीं खनिजां व्हड प्रमाणांत आसतात. तुमकां जीवनस्तव बी 12 चो उणाव आसल्यार तुमच्या आहारांत पालक, ब्रोकोली, बाटली, कडबा, मेथी, बीन्स हांचो आस्पाव करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
