भांगरभूंय | प्रतिनिधी
पणजी ः सरबराय मळा वयली गोंयची सगळ्यांत व्हडली आनी पर्यटन क्षेत्रांत सगळ्यांत बरी सेवा दिवपी इंडियन हॉटेल्स कंपनी नाताळाच्या हंगामांत एक खाशेली खाणां सादर करता! राज्यभरांतल्या हॉटेलांनी गोंयांतल्या रंगीत नाताळाच्या पार्टीक वेगवेगळे रंग आनी रूची सजोवपा खातीर कंपनीच्या नामनेच्या पांच नखेत्रांच्या हॉटेलांनी गिरायकांक खाशेल्या आनी वेंचून काडिल्ल्या पदार्थांची ‘एक्सक्लूसिव्ह’ मेजवानी दिवपाची आसा.
24 डिसेंबराच्या रातीं खाशेलें नाताळाचें जेवण आनी 25 डिसेंबराक वेगवेगळे नाताळाचें ब्रंच तुमच्या नाताळाचो आनंद दुप्पट करतलो. नाताळाच्या उत्सवाचें उत्सवी वातावरण अणभवतना गिरायकांक हॉटेलाचे खाशेले ‘सिग्नेचर डिश’, पारंपारीक जेवणां, रांदपांत कांय नवे ‘ट्विस्ट’ आशिल्ले वेगवेगळे पदार्थ आनी देशांतल्यान आनी परदेशांतल्यान लोकप्रिय पदार्थांची चव घेवपाची संद मेळटली. हे पदार्थ आयएचसीएलाच्या उबदार आतिथ्याची एक ल्हानशी झलक.
तुमच्या प्रिय व्यक्तींक भेट दिवपाक सोबीत हातांनी तयार केल्लीं भेटवस्तू आनी हॅम्परांची एक श्रेणी उपलब्ध आसतली, खोशी आनी अजापाचे सुखद खीण तयार करतले.नाताळाचे केक, गोंयचे खाशेले गोड पदार्थ, उत्कृश्ट रितीन तयार केल्लीं रुचीक चॉकलेटी तुमचो नाताळ अविस्मरणीय करतली. आयएचसीएलान थळाव्या कलाकार आनी कारागीर तशेंच एनजीओ हांचे वांगडा भागीदारी करून “पथ्य” कार्यावळी खाला गिरायकांक हो पुराय उत्सवाचो अणभव सादर केला, जो टिकावू उदरगत आनी सकारात्मक समाजीक पुनरुज्जीवनाच्या तत्वांचेर भर दिता.
आयएचसी एल. उबदार भारतीय आतिथ्य तशेंच संवसारीक दर्ज्याची सेवा दिवपी ब्रँडांचो हो एक गट. तातूंत गोंयांतलें ताज सिटी, ताज एक्सोटिका रिसॉर्ट अँड स्पा, ताज फोर्ट वॉटर रिसॉर्ट अँड स्पा, ताज हॉलिडे व्हिलेज रिसॉर्ट अँड स्पा, द येलो हाऊस, अंजुना – आयएचसीएल सेलेक्यूशन; विवांता गोंय, पणजी आनी लिव्हींग गोंय, मिरामार, जिंजर, आमा स्टेज आनी ट्रेल्स, क्युमिन आनी ताज एसएटीएस हॉटेलांचो आस्पाव जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
